உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

சர்வதேச சந்தையில் மசகு எண்ணெயின் விலை 100 டொலர்களைக் கடந்துள்ளது!

உலக செய்திகள் 4 மாதங்கள் முன்
200 பார்வைகள்

வளைகுடாப் பகுதியில் மோதல் தீவிரமடைந்து வரும் நிலையில், ஒரு பீப்பாய் மசகு எண்ணெய் விலை மீண்டும் 100  டொலர்களை விஞ்சியுள்ளது.

இதனால், உலக சந்தைகள் ஆட்டம் கண்டதுடன், புதிய பணவீக்க அதிர்ச்சி குறித்த அச்சங்கள் மீண்டும் எழுந்தன.

இதன் விளைவாக, வெள்ளிக்கிழமையன்று (24) ஆசியப் பங்குச் சந்தைகள் சரிந்தன.

ஈரானுடன் தொடர்புடைய ஹவுத்தி கிளர்ச்சியாளர்கள் செங்கடலில் சவுதி எண்ணெய் டேங்கர்கள் மீது நடத்திய தாக்குதல்கள், உலகளாவிய எண்ணெய் விநியோகத்திற்கான மத்திய கிழக்கின் இரண்டாவது முக்கியப் பாதையை முடக்கியதாலும் (ஏற்கனவே ஹார்முஸ் நீரிணையை ஈரான் கிட்டத்தட்ட மூடியிருந்த நிலையில்), பிரெண்ட் மசகு எண்ணெய் விலை ஒரே இரவில் 7% உயர்ந்து இரண்டு மாதங்களில் இல்லாத அளவாக பீப்பாய் ஒன்றுக்கு 102 டொரை எட்டியது.

பின்னர் அது 100.85 டொலர் என்ற நிலையில் நீடித்தது.

போரை முடிவுக்குக் கொண்டுவருவதற்காக மேற்கொள்ளப்பட்ட இடைக்காலப் போர்நிறுத்தம் நடைமுறையில் முறிவடைந்து இரண்டு வாரங்கள் ஆன நிலையில், வெள்ளிக்கிழமை காலை வரை ஈரான் மீது அமெரிக்க இராணுவம் வான்வழித் தாக்குதல்களை நடத்தியது.

அதேவேளையில், அமெரிக்க இராணுவத் தளங்கள் அமைந்துள்ள அண்டை அரபு நாடுகள் மீது ஈரானும் தாக்குதல்களை நடத்தியது.

மோதல் தணிவதற்கான அறிகுறிகள் ஏதுமின்றி நீடிப்பதால், இந்த மாதத்தில் மட்டும் ‘ப்ரெண்ட்’ Brent) மசகு எண்ணெய் விலை கிட்டத்தட்ட 40% உயர்ந்துள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0