உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

இலங்கையின் பணம் செலுத்துதலில் முறைகேடுகள் நடந்ததை உறுதிசெய்துள்ள அவுஸ்திரேலியா!

இலங்கை செய்திகள் 7 மாதங்கள் முன்
116 பார்வைகள்

அவுஸ்திரேலிய அரசாங்கத்திற்குச் செலுத்தப்பட வேண்டிய தொகைகளில் உள்ள முறைகேடுகள் குறித்து, தூதரகமும் இலங்கையின் நிதி அமைச்சும் அறிந்திருப்பதாக இலங்கையில் உள்ள அவுஸ்திரேலிய உயர்ஸ்தானிகர் குழு உறுதிப்படுத்தியுள்ளது.

இவ்விவகாரம் தொடர்பாக இலங்கை அதிகாரிகள் விசாரணையைத் தொடங்கியுள்ளதாகவும், அந்த விசாரணைக்கு உதவிவரும் அவுஸ்திரேலிய அதிகாரிகளுடன் நெருக்கமாக ஒருங்கிணைந்து செயல்படுவதாகவும் அவுஸ்திரேலிய உயர்ஸ்தானிகராலயம் தனது எக்ஸ் தளத்தில் வெளியிட்ட அறிக்கையில் தெரிவித்துள்ளது.

இலங்கையின் கடன் நிலைத்தன்மைக்கான பாதைக்கு ஆதரவளிப்பதில் அவுஸ்திரேலியா உறுதியாக உள்ளதாகவும் அந்த அறிக்கையில் சுட்டிக்காட்டப்பட்டுள்ளது.

நிதி அமைச்சின் கீழ் உள்ள வெளி வளங்கள் திணைக்களத்தின் கணினி அமைப்பிற்குள் அனுமதியின்றி நுழைந்து நடந்த இணையவழித் திருட்டுச் சம்பவம் தொடர்பாக, சட்ட அமுலாக்க அமைப்புகளிடம் முறைப்பாடுகள் பதிவு செய்யப்பட்டுள்ளதாக நிதி பிரதி அமைச்சர் கலாநிதி அனில் ஜயந்த அறிவித்ததைத் தொடர்ந்து இந்த அறிக்கை வெளியாகியுள்ளது.

அவுஸ்திரேலிய ஏற்றுமதி நிதி முகமைக்கும் திறைசேரிக்கும் இடையே மின்னஞ்சல் வழியாக இரு தரப்பினரும் தகவல்களைப் பரிமாறிக்கொண்ட தகவல் தொடர்பு மற்றும் நிதித் தீர்வு நடவடிக்கைகளின் போது இந்தச் சம்பவம் நிகழ்ந்ததாக அவர் கூறினார்.தகவல் பரிமாற்றத்தைக் கையாளுவதற்காக, ஹேக்கர்கள் இந்தத் தகவல் தொடர்பு வழியைப் பயன்படுத்தியதாகக் கூறப்படுகிறது என்று அவர் கூறினார்.

மேலும், இந்தியாவிற்குச் செலுத்த வேண்டிய ஒரு தொகை தொடர்பான மேலதிக நிதியைப் பெறுவதற்காக மேற்கொள்ளப்பட்ட இதேபோன்ற முயற்சிக்குப் பின்னரே இந்த மோசடி வெளிச்சத்திற்கு வந்தது என்றும் அவர் குறிப்பிட்டார்.கணக்கு எண்களில் மாற்றங்கள் கண்டறியப்பட்டபோது சந்தேகம் எழுந்ததாக அவர் மேலும் கூறினார்.

இதைத் தொடர்ந்து, திறைசேரி உடனடியாக இலங்கை பொலிஸ் கணினிக் குற்றப் புலனாய்வுப் பிரிவு மற்றும் இலங்கை கணினி அவசரகால பதிலளிப்புக் குழு (CERT) ஆகியவற்றை எச்சரித்தது.

அதன் பின்னர், கடன் மறுசீரமைப்பு மற்றும் திருப்பிச் செலுத்துதல் தொடர்பான கலந்துரையாடல்களின் தொடக்கம் வரையிலான தகவல்தொடர்புகளைக் கண்டறிந்து ஒரு நீண்ட விசாரணை மேற்கொள்ளப்பட்டது.அவுஸ்திரேலிய ஏற்றுமதி நிதி முகமைக்குச் சேர வேண்டிய பணம், ஹேக்கர்களின் கட்டுப்பாட்டில் உள்ள கணக்குகளுக்குத் திசை திருப்பப்பட்டிருந்தது இதன்மூலம் உறுதி செய்யப்பட்டுள்ளது.

இதுகுறித்து குற்றப் புலனாய்வுத் திணைக்களத்தில் (சிஐடி) முறைப்பாடு பதிவு செய்யப்பட்டுள்ளதுடன், விசாரணைகளும் நடைபெற்று வருகின்றன என நிதி பிரதி அமைச்சர் கலாநிதி அனில் ஜெயந்தா மேலும் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

144 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

135 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

129 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

129 0 0