உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

குமார ஜயக்கொடி ஊழல் செய்யவில்லை; விசாரணைக்காகவே அவர் பதவி விலகல்.!

இலங்கை செய்திகள் 7 மாதங்கள் முன்
68 பார்வைகள்

“தரம் குறைந்த நிலக்கரி இறக்குமதியில் முன்னாள் வலுசக்தி அமைச்சர் குமார ஜயக்கொடி ஊழல் செய்தார் என்று எந்தவொரு விசாரணையிலும் உறுதிப்படுத்தப்படவில்லை” என்று வெளிவிவகார அமைச்சர் விஜித ஹேரத் தெரிவித்தார்.

அரசாங்கத் தகவல் திணைக்களத்தில் நேற்று மாலை நடைபெற்ற விசேட ஊடகவியலாளர் சந்திப்பின் போதே அவர் இதனைத் குறிப்பிட்டார்.

நிலக்கரி இறக்குமதி விவகாரத்தில் குமார ஜயக்கொடி ஊழல் புரிந்ததாகக் கூறப்படும் குற்றச்சாட்டுகளை அரச கணக்காய்வாளர் நாயகத்தின் அறிக்கை நிராகரித்துள்ளது என்றும் அமைச்சர் விஜித ஹேரத் சுட்டிக்காட்டினார்.

அத்துடன், பொது நிறுவனங்கள் பற்றிய நாடாளுமன்றக் குழு நடத்திய ஆய்வுகளிலும் முறைகேடுகள் எதுவும் கண்டறியப்படவில்லை என்றும் அவர் தெரிவித்தார்.

இது தொடர்பில் அவர் மேலும் கூறுகையில்,
“வலுசக்தி அமைச்சுப் பதவியை வகித்திருந்த குமார ஜயக்கொடி மீதான நம்பிக்கையில்லாப் பிரேரணையின் போது கூட, அவர் ஊழல் புரிந்தார் என்று ஆதாரபூர்வமான கருத்துக்கள் எவையும் முன்வைக்கப்படவில்லை. இருப்பினும், இந்த விவகாரத்தில் வெளிப்படையான மற்றும் துரிதமான விசாரணைகளை முன்னெடுப்பதற்கு வசதியாக, அவர் தனது வலுசக்தி அமைச்சர் பதவியிலிருந்து தாமாகவே முன்வந்து விலகியுள்ளார்.

இந்த விவகாரம் குறித்து ஆராய ஜனாதிபதி விசேட விசாரணை ஆணைக்குழு ஒன்று அமைக்கப்பட்டுள்ளது. குற்றப் புலனாய்வுத் திணைக்களம் நடத்தும் விசாரணைகளுக்கும், இந்த விசேட ஆணைக்குழுவின் பணிகளுக்கும் இடையே எந்தவித முரண்பாடுகளும் ஏற்படாது.” – என்றார்.

நிலக்கரி இறக்குமதி முறைகேடுகள் குறித்து ஏதேனும் தகவல்கள் இருந்தால், அவற்றை ஜனாதிபதி விசாரணை ஆணைக்குழுவிடம் சமர்ப்பித்து விசாரணைக்கு ஒத்துழைப்பு வழங்குமாறு எதிர்க்கட்சி உறுப்பினர்கள், ஊடகவியலாளர்கள் மற்றும் பொதுமக்களுக்கு அமைச்சர் விஜித ஹேரத் இதன்போது அழைப்பு விடுத்தார்.

அமைச்சராக இருந்த ஒருவர், தன் மீதான விசாரணைகள் நேர்மையாக நடப்பதற்காகப் பதவியைத் துறந்திருப்பது பாராட்டுக்குரியது என்று தெரிவித்த அமைச்சர் விஜித ஹேரத், உண்மை நிலை விரைவில் நாட்டுக்கு வெளிப்படுத்தப்படும் என்றும் கூறினார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

95 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

122 0 0
இலங்கை செய்திகள்

தமிழீழ தேசியக் கொடி நாள்’ வாரம் லண்டனில் முன்னெடுப்பு

நாடு கடந்த தமிழீழ அரசாங்கத்தினால் ‘நவம்பர் 21ம் திகதி (21-11-2026) தமிழீழ தேசியக் கொடி நாள்’ வாரம் ஆரம்பிக்கப்பட்டுள்ள நிலையில், லண்டனில் குறித்த நிகழ்வு வைபவ ரீதியாக…

134 0 0
இலங்கை செய்திகள்

கோட்டாவின் வழியில் அநுர அரசாங்கம்! : அம்பாறையில் சஜித் கடும் சாடல்

கோட்டாபய ராஜபக்ஷவைப் போலவே அநுரகுமார திஸாநாயக்க அரசும் விவசாயிகளை ஏமாற்றியுள்ளது என்று எதிர்க்கட்சித் தலைவர் சஜித் பிரேமதாஸ தெரிவித்தார். அம்பாறை மாவட்டத்தில் இன்று ஞாயிற்றுக்கிழமை நடைபெற்ற விவசாயிகள்…

129 0 0