வட கொரியாவில் நடைபெற்ற 15-வது மக்கள் பேரவைத் தேர்தலில், ஜனாதிபதி கிம் ஜோங் உன் தலைமையிலான தொழிலாளர் கட்சி 99.93 சதவிகித வாக்குகளைப் பெற்று அனைத்து இடங்களிலும் வெற்றி பெற்றுள்ளது.
கிழக்கு ஆசியாவில் அமைந்துள்ள வட கொரியா, அணு ஆயுதங்கள் மற்றும் சக்திவாய்ந்த ஏவுகணைகளை தயாரிக்கும் திறன் கொண்ட நாடாகும். தென் கொரியா, ஜப்பான் மற்றும் அமெரிக்காவுடன் உள்ள உறவுகள் தொடர்ந்து பதற்றமிக்கதாக உள்ளது. 2011 முதல் கிம் ஜோங் உன் ஒரே கட்சி ஆட்சியை நடைமுறைப்படுத்தி வருகிறார்.
இந்தத் தேர்தல் மார்ச் 15-ஆம் தேதி நடைபெற்றது. விவசாயிகள், அதிகாரிகள் மற்றும் அறிஞர்கள் உள்ளிட்ட 687 இடங்களுக்கு ஒரே வேட்பாளருடன் போட்டி நடைபெற்றதால், நிபுணர்கள் இதை “காட்சித் தேர்தல்” என்று கூறுகின்றனர்.
அதிகாரப்பூர்வ தகவலின்படி, பதிவு செய்யப்பட்ட வாக்காளர்களில் 99.99 சதவிகிதம் வாக்களித்துள்ளனர். இதில் 99.93 சதவிகிதம் கிம் ஜோங் உன் ஆதரவில் வாக்களித்தனர்; 0.07 சதவிகிதம் எதிர்ப்புக் குரல் அளித்தனர்.
வரலாற்றில் 1957-ஆம் ஆண்டுக்குப் பிறகு, இந்த தேர்தலில் அதிகளவிலான எதிர்ப்பு வாக்குகள் பதிவாகியதாகவும், கல்லிம்கில் தொகுதி எண் 5-ல் கிம் ஜோங் உன்னின் சகோதரி கிம் யோ ஜோங் வெற்றிபெற்றுள்ளார் என்றும் தகவல்கள் தெரிவிக்கின்றன.
