சீனாவின் மகாவ் நகரில் 70 வயதுடைய பெண்மணியை பயமுறுத்தியதாகக் கூறப்படும் மனித வடிவ ரோபோவை பொலிஸார் “கைது” செய்த வினோத சம்பவம் ஒன்று பதிவாகியுள்ளது.வீதியில் நடந்து கொண்டிருந்த போது கைபேசியைப் பார்த்துக் கொண்டிருந்த அந்த பெண்மணி, தன்னுக்குப் பின்னால் ரோபோ வந்ததை கவனிக்காமல் இருந்துள்ளார். திடீரென அருகில் நின்றிருந்த ரோபோவை கண்டதும் அவர் அதிர்ச்சியடைந்ததாக தெரிவிக்கப்படுகிறது.
இந்த ரோபோ, அப்பகுதியில் செயல்படும் ஒரு கல்வி மையத்திற்கு சொந்தமானது. சம்பவத்திற்குப் பின்னர், ரோபோ அதன் உரிமையாளரான 50 வயதுடைய நபரிடம் மீண்டும் ஒப்படைக்கப்பட்டது.இச்சம்பவத்தையடுத்து, பொதுமக்கள் அதிகமாகச் செல்லும் இடங்களில் ரோபோக்களை பயன்படுத்தும் போது மிகுந்த எச்சரிக்கையுடன் இருக்கவேண்டும் என பொலிஸார் அறிவுறுத்தியுள்ளனர்.
சம்பவத்தை நேரில் கண்டவர்கள் இதனை உறுதிப்படுத்தியுள்ள நிலையில், பாதிக்கப்பட்ட பெண்மணி மருத்துவ பரிசோதனைக்கு உட்படுத்தப்பட்டு சிகிச்சை பெற்றார். எனினும், எந்தவித புகாரும் அளிக்க விருப்பமில்லை என அவர் தெரிவித்துள்ளார்.
இந்த சம்பவம் சமூக வலைதளங்களில் பரவி, “ரோபோ கைது” என நகைச்சுவையாக பகிரப்பட்டு வருகிறது.
