போர் மிக விரைவாக முடிவடையும் என்றும் அதன் பின்னர் மசகு எண்ணெய் விலை குறையும் என்றும் அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.ஹோர்முஸ் நீரிணை வழிப் பாதுகாப்பு தொடர்பாக போர்க்கப்பல்களை அனுப்பாத சில நாடுகளை அவர் விமர்சித்துள்ளார். ஹோர்முஸ் நீரிணையை திறந்துவைத்து பாதுகாப்பாக வைத்திருக்க நட்பு நாடுகள் போர்க்கப்பல்களை அனுப்ப வேண்டும் எனவும் அவர் வலியுறுத்தினார்.
சீனா, ஜப்பான், பிரான்ஸ் மற்றும் நேட்டோ நாடுகள் தற்போது உதவிக்கு வராவிட்டால் எதிர்காலத்தில் சிக்கல்கள் ஏற்படலாம் என்றும் அவர் எச்சரித்தார். மற்ற நாடுகள் அமெரிக்காவுடன் இணைந்து பாதுகாப்பு வழங்க முன்வந்தால், அவர்களுடன் இணைந்து செயல்படத் தயாராக உள்ளதாகவும் ட்ரம்ப் குறிப்பிட்டுள்ளார்.மேலும், ஈரானிடம் ஏவுகணைகள் குறைந்த அளவிலேயே உள்ளதால் தாக்குதல்கள் குறைந்துள்ளதாக அவர் கூறினார்.
அமெரிக்கா ஈரானின் விமானப்படை, கடற்படை மற்றும் வான் பாதுகாப்பு அமைப்புகளை பெருமளவில் அழித்துள்ளதாகவும் அவர் தெரிவித்தார்.அத்துடன், கார்க் தீவில் அமெரிக்கா தாக்குதல் நடத்தியதாகவும், நேட்டோ கூட்டமைப்புக்கு அமெரிக்கா எப்போதும் ஆதரவாக இருப்பதாகவும் ட்ரம்ப் கூறியுள்ளார்.மேலும், இஸ்ரேலுடன் அமெரிக்கா மிக நெருக்கமான ஒத்துழைப்புடன் செயல்பட்டு வருவதாகவும் அவர் தெரிவித்துள்ளார்.
