அமெரிக்க – இஸ்ரேலிய இராணுவ நடவடிக்கை தொடங்கியதிலிருந்து ஈரானில் 3.2 மில்லியனுக்கும் அதிகமான மக்கள் இடம்பெயர்ந்துள்ளனர்.ஐக்கிய நாடுகளின் அகதிகளுக்கான உயர்ஸ்தானிகரகம் இதனை தெரிவித்துள்ளது.
இந்த இடம்பெயர்வு 600,000 முதல் ஒரு மில்லியன் ஈரானிய குடும்பங்களைப் பாதித்துள்ளது.மோதல் காரணமாக பாதுகாப்பு தேடி தெஹ்ரான் மற்றும் முக்கிய நகரங்களில் இருந்து தப்பிச் செல்லும் மக்கள் நாட்டின் வடக்கு மற்றும் கிராமப்புறங்களுக்கு நகர்ந்து செல்கின்றனர்.
அமெரிக்க மற்றும் இஸ்ரேலிய படைகள் ஈரானின் தலைவர்களையும் அணுசக்தி உட்;கட்டமைப்பையும் குறிவைத்து தாக்குதல்கள் நடத்துகின்றன.
இந்தநிலையில் பாடசாலைகள் மற்றும் வைத்தியசாலைகள் உட்பட ஆயிரக்கணக்கான பொதுத் தளங்கள் பாதிக்கப்பட்டுள்ளதாக ஈரானிய அரசாங்கம் கூறுகிறது.இந்தத் தாக்குதல்களில் தற்போது 1,300 க்கும் மேற்பட்டோர் உயிரிழந்ததாக ஈரானிய சுகாதார அமைச்சின் தரவுகள் தெரிவிக்கின்றன.
