பாரசீக வளைகுடா கடல் பகுதியில் இரண்டு வெளிநாட்டு எண்ணெய் கப்பல்கள் மீது தாக்குதல் நடத்தப்பட்டுள்ளதாக தகவல்கள் வெளியாகியுள்ளன. எரிசக்தி விநியோகத்தை இலக்காகக் கொண்ட பழிவாங்கும் நடவடிக்கைகளை ஈரான் அதிகரித்துள்ளதாக சர்வதேச தகவல்கள் தெரிவிக்கின்றன.
பாரசீக வளைகுடாவில் மேலும் ஒரு கப்பல் தாக்கப்பட்டுள்ளதாக இங்கிலாந்தைச் சேர்ந்த கடல்சார் கண்காணிப்பு நிறுவனம் அறிவித்துள்ளது. கடந்த இரண்டு நாட்களுக்குள் இது ஆறாவது கப்பல் மீது நடத்தப்பட்ட தாக்குதலாகக் குறிப்பிடப்படுகிறது.
இதேவேளை மத்திய கிழக்கில் பதற்ற நிலை நீடித்து வரும் நிலையில், சர்வதேச சந்தையில் இன்று மீண்டும் எண்ணெய் விலை ஒரு பீப்பாய் 100 அமெரிக்க டொலரை எட்டியுள்ளது.
உலக சந்தையில் உள்ள இருப்புகளில் இருந்து 400 மில்லியன் பீப்பாய்கள் எண்ணெயை வெளியிட சர்வதேச எரிசக்தி அமைப்பு ஒப்புக்கொண்டிருந்த போதிலும், எண்ணெய் விலையில் இந்த உயர்வு பதிவாகியுள்ளது.
இதற்கிடையில் மோதல்கள் விரிவடைந்து வரும் சூழ்நிலையில், அமெரிக்கா போரில் வெற்றி பெற்றுள்ளதாக முன்னாள் ஜனாதிபதி டொனால்ட் ட்ரம்ப் மீண்டும் மீண்டும் கூறி வருகிறார்.
