வன்முறை சம்பவங்கள் அதிகரித்து வருவதால், தென்மேற்கு மெக்ஸிகோ முழுவதும் பல நகரங்களில் குற்றவியல் குழுக்கள் சாலைத் தடைகளை அமைத்துள்ளதாக கனடாவின் வெளிநாட்டு அலுவல்கள் துறை எச்சரிக்கை விடுத்துள்ளது.புவேர்ட்டோ வல்லார்ட்டா பகுதியில் நிலைமை பதற்றமாக இருப்பதாகத் தெரிவிக்கப்படுகிறது.
அங்கு தங்கியுள்ள கனடியர்கள் குறைந்த கவன ஈர்ப்புடன் இயங்கவும், ஊடகச் செய்திகள் குறித்து தொடர்ந்து கண்காணிக்கவும், உள்ளூர் அதிகாரிகளின் அறிவுறுத்தல்களைப் பின்பற்றவும் கேட்டுக்கொள்ளப்பட்டுள்ளனர்.மெக்ஸிகோ ஜனாதிபதி கிளாடியா ஷீன்பாம், மக்கள் அமைதியாக இருக்குமாறு வேண்டுகோள் விடுத்துள்ளார். மத்திய மற்றும் மாநில அரசுகள் முழுமையான ஒத்துழைப்புடன் செயல்படுகின்றன என்றும் அவர் தெரிவித்துள்ளார்.
ஜாலிஸ்கோ புதிய தலைமுறைகார்டெல்லின் தலைவராகக் கருதப்பட்ட ‘எல் மென்சோ’ இராணுவ சிறப்புப் படையினருடனான மோதலின் போது கொல்லப்பட்டதைத் தொடர்ந்து இந்த வன்முறை சம்பவங்கள் வெடித்ததாக கூறப்படுகிறது.நிலைமையை மத்திய அரசு தீவிரமாக கண்காணித்து வருவதாக கனடாவின் வெளியுறவு அமைச்சர் அனிதா ஆனந்த் தெரிவித்துள்ளார்.இதனிடையே, கனடாவிலிருந்து புவேர்ட்டோ வல்லார்ட்டா நோக்கிச் சென்ற பல விமானங்கள் பயணத்தின் நடுவில் திருப்பிவிடப்பட்டதாகத் தகவல்கள் வெளியாகியுள்ளன.
