அமெரிக்க முன்னாள் ஜனாதிபதி பராக் ஒபாமா மற்றும் அவரது மனைவி மிச்செல் ஒபாமா முகங்களை குரங்குகளுடன் இணைத்து காட்டும், இனவெறியைத் தூண்டும் வகையிலான காணொளி, தற்போதைய ஜனாதிபதி டொனால்ட் ட்ரம்ப் தனது ‘ட்ரூத் சோஷியல்’ தளத்தில் பகிர்ந்துள்ளார். இதில் 2020 தேர்தல் முறைகேடுகள் குறித்த ஆதாரமற்ற குற்றச்சாட்டுகள் இடம்பெற்றிருந்தன, பின்னணியில் “The Lion Sleeps Tonight” பாடல் ஒலித்தது.
இந்த காணொளிக்கு ஜனநாயகக் கட்சியினரின் மட்டுமின்றி, குடியரசுக் கட்சியினர் கூட கடும் எதிர்ப்பு தெரிவித்துள்ளனர். குடியரசுக் கட்சியின் செனட்டர் டிம் ஸ்காட் இதை ‘இந்த வெள்ளை மாளிகையில் இருந்து நான் பார்த்த மிக மோசமான இனவெறிச் செயல்’ என விமர்சித்தார். வெள்ளை மாளிகை ஆரம்பத்தில் இதனை சாதாரண மீம் என்று கூறியிருந்தாலும், எதிர்ப்பின் பின்னர் பதிவை நீக்கியது மற்றும் ஊழியரின் தவறான பகிர்வாக விளக்கமளித்தது.
பிரையன் டெய்லர் கோஹன் பொட்காஸ்டில் பேசிய பராக் ஒபாமா, ட்ரம்ப் பெயரை நேரடியாகக் குறிப்பிடாமலேயே, “பொது வாழ்வில் இருக்க வேண்டிய வெட்கம் மற்றும் கண்ணியம் தற்போது தொலைந்து விட்டது. சமூக ஊடகங்களில் கோமாளிக்கூத்து நடக்கிறது, ஆனால் மக்கள் இன்னும் நேர்மை மற்றும் இரக்கத்தில் நம்பிக்கை வைத்துள்ளனர்” என தனது ஆதங்கத்தை வெளிப்படுத்தினார்.இதற்கிடையில், சிக்காகோவில் அமைக்கப்பட்டு வரும் ஒபாமா ஜனாதிபதி நூலகம் வரும் ஜூன் 2026-ல் பொதுமக்கள் பார்வைக்காக திறக்கப்பட உள்ளது.
