சவுதி அரேபியாவில் மரண தண்டனை விதிக்கப்பட்டுள்ளதாக கூறப்படும் இலங்கை இளைஞன் அனோஜன் விவகாரத்தை அரசியலாக்க வேண்டாம் என கோரிக்கை விடுக்கப்பட்டுள்ளது.
அமைச்சரவை பேச்சாளர் அமைச்சர் டொக்டர் நளிந்த ஜயதிஸ்ஸ இந்த கோரிக்கையை விடுத்துள்ளார்.
அனோஜன் சவுதி அரேபியாவில் அந்நாட்டு சட்டத்தின் பிரகாரம் தண்டிக்கப்பட்டுள்ளதாகவும் இந்த விவகாரத்தை மிகவும் கவனமாக கையாள வேண்டும் எனவும் அவர் தெரிவித்துள்ளார்.
குடும்பத்தின் பொருளாதாரத்தை மேம்படுத்தும் நோக்கில் வெளிநாடு சென்று அனோஜனின் உயிரை பாதுகாப்பதற்கான நடவடிக்கைகளை நாம் எடுக்க வேண்டும் என அவர் தெரிவித்துள்ளார்.
அனோஜனின் விவகாரத்தை காற்பந்து போல் அரசியல் தலைவர்களோ, கட்சிகளோ அல்லது வேறு தரப்பினரோ பயன்படுத்த வேண்டாம் என மிகவும் வினயமாக கேட்டுக் கொள்வதாக அவர் தெரிவித்துள்ளார்.
இந்த விவகாரம் மிகவும் கவனமாக கையாளப்பட வேண்டிய ஒன்று எனவும் அரசாங்கம் சகல வலிகளிலும் அதற்கான முயற்சிகளையும் மேற்கொண்டு உள்ளதாகவும் அவர் தெரிவித்துள்ளார்.
இந்த விவகாரத்தில் அனைத்து தரப்பினரும் ஒன்றிணைந்து செயல்பட வேண்டுமே தவிர நான் தான் முதலில் காப்பாற்றினேன் நான் தான் முதலில் பேசினேன் என்ற போட்டி இருக்கக் கூடாது என அவர் வலியுறுத்தியுள்ளார்.
அனோஜன் விவகாரத்தை அரசாங்கம் மிகுந்த சிரத்தை எடுத்துக்கொண்டு முன்னெடுத்து வருவதாக அவர் தெரிவித்துள்ளார்.
ஏனைய பிரச்சினைகளில் போன்று இந்த பிரச்சினையை அணுக வேண்டாம் என அரசியல் கட்சி தலைவர்களிடம் கேட்டுக் கொள்வதாக அவர் தெரிவித்துள்ளார்.
இந்த விடயத்தை அரசியல் துருப்புச் சீட்டாக பயன்படுத்த வேண்டாம் எனவும் இது ஒருவரின் வாழ்க்கை பிரச்சினை எனவும் அவர் சுட்டிக்காட்டி உள்ளார்.
அரசாங்கம் ராஜதந்திர ரீதியாகவும் சட்ட ரீதியாகவும் இந்த பிரச்சனையை அணுகி வருவதாக டொக்டர் நளிந்த ஜயதிஸ்ஸ தெரிவித்துள்ளார்.
