சவுதி அரேபியாவும் இந்தியாவும் ஆயுதப்படைகளுக்கு இடையிலான ஒத்துழைப்பையும் செயல்திறன் வாய்ந்த ஈடுபாட்டையும் மேம்படுத்துவதில் கவனம் செலுத்தியுள்ளன.இது தொடர்பில், இந்திய பாதுகாப்பு இராஜாங்க அமைச்சர் சஞ்சய் சேத், சவுதி அரேபியாவின் நிர்வாக விவகாரங்களுக்கான பாதுகாப்பு உதவி அமைச்சர் கலீத் பின் ஹுசைன் அல்-பியாரியுடன் முக்கிய பேச்சுவார்த்தை நடத்தினார். நடைபெற்ற “உலக பாதுகாப்பு கண்காட்சி” நிகழ்வில் இந்தியாவை பிரதிநிதித்துவப்படுத்தி கலந்து கொண்டிருந்த அமைச்சர் சஞ்சய் சேத், இச்சந்திப்பை மேற்கொண்டதாக இந்திய பாதுகாப்பு அமைச்சு வெளியிட்ட அறிக்கையில் தெரிவிக்கப்பட்டுள்ளது.
மேலும், பாதுகாப்பு மேம்பாட்டுக்கான சவுதி அரேபிய பொது அதிகார சபையின் ஆளுநர் ஃபலே பின் அப்துல்லா அல்-சுலைமான்யையும் அவர் சந்தித்து, பாதுகாப்பு துறையில் இருதரப்பு ஒத்துழைப்பை விரிவுபடுத்துவது குறித்து கலந்துரையாடியுள்ளார்.ரியாத்தில் நடைபெற்ற உலக பாதுகாப்பு கண்காட்சியில், இந்தியாவில் உள்நாட்டில் தயாரிக்கப்படும் பாதுகாப்பு உபகரணங்கள் மற்றும் தளவாடங்கள் காட்சிப்படுத்தப்பட்டுள்ளன.
பாதுகாப்பு பொதுத்துறை நிறுவனங்களும் தனியார் துறை நிறுவனங்களும் தயாரிக்கும் நவீன ஆயுத அமைப்புகள் மற்றும் பாதுகாப்பு உபகரணங்கள் இக்கண்காட்சியில் அறிமுகப்படுத்தப்பட்டதாகவும், அவற்றின் தொழில்நுட்ப திறன்கள் சர்வதேச அளவில் வெளிப்படுத்தப்பட்டதாகவும் அறிக்கையில் குறிப்பிடப்பட்டுள்ளது.இச்சந்திப்பு, இந்தியா–சவுதி அரேபியா பாதுகாப்பு உறவுகளை மேலும் வலுப்படுத்தும் முயற்சியாக பார்க்கப்படுகிறது.
