ஐந்து ஆண்டுகளுக்கும் மேலாக வரி இல்லாத வாகன உரிமங்களை வைத்திருப்பதாலும், புதிய வாகனங்களை வாங்க முடியாததாலும் சுமார் இருபத்தைந்தாயிரம் அரச சேவை ஊழியர்கள் பெரும் சிரமங்களை எதிர்கொள்வதாக தெரிவிக்கப்படுகிறது.
வரி இல்லாத வாகன உரிமங்களுக்கு ஈடாக வாகனங்களை இறக்குமதி செய்ய அரசாங்கம் இன்னும் முடிவு செய்யாததால் இந்த நிலைமை ஏற்பட்டுள்ளதாக வட்டாரங்கள் தெரிவித்தன.இந்த பிரச்சினை விரைவில் தீர்க்கப்படும் என்று எதிர்பார்ப்பதாக பொது நிர்வாகம், மாகாண சபைகள் மற்றும் உள்ளாட்சி அமைச்சர் பேராசிரியர் சந்தன அபயரத்ன தெரிவித்துள்ளார்.நாட்டிற்கு வாகன இறக்குமதி நிறுத்தப்பட்ட பின்னர், 25,508 வரி இல்லாத வாகன உரிமங்கள் அரச ஊழியர்களுக்கு வழங்கப்பட்டுள்ளன.
2020 ஆம் ஆண்டில் 5373 வரியில்லா வாகன உரிமங்களும், 2021 ஆம் ஆண்டில் 2972, 2022 ஆம் ஆண்டில் 3340, 2023 ஆம் ஆண்டில் 5718, 2024 ஆம் ஆண்டில் 6062 மற்றும் 2025 ஆம் ஆண்டில் 2043 வரியில்லா வாகன உரிமங்களும் அரச ஊழியர்களுக்கு வழங்கப்பட்டுள்ளதாக வட்டாரங்கள் தெரிவிக்கின்றன.
இதற்கிடையில், சில அரச ஊழியர்கள் தங்கள் பல்வேறு அவசரத் தேவைகளைப் பூர்த்தி செய்வதற்காக கடந்த காலங்களில் வரியில்லா வாகன உரிமங்களை வாகன டீலர்களுக்கு மிக குறைந்த விலைக்கு விற்றுள்ளதாக அறியப்படுகின்றது.
