“ஜனாதிபதி அநுரகுமார திஸாநாயக்க தலைமையிலான தேசிய மக்கள் சக்தி அரசை அடுத்த 15 வருடங்களுக்கு அசைக்க முடியாது.” என்று அமைச்சர் இராமலிங்கம் சந்திரசேகர் தெரிவித்தார்.
கொழும்பில் நடைபெற்ற நிகழ்வொன்றில் உரையாற்றுகையிலேயே அவர் இவ்வாறு கூறினார்.
இது தொடர்பில் அவர் மேலும் தெரிவிக்கையில்,
“தேசிய மக்கள் சக்தி அரசில் ஊழல், மோசடிக்கு இடமில்லை. நாம் மக்கள் மத்தியில் உண்மையைக் கூறி செயற்பட்டு வருகின்றோம். எனவே, எமது ஆட்சி தொடர்வதற்கு மக்கள் ஆணை வழங்குவார்கள்.
நவீன உலகை வெல்ல வேண்டுமெனில் கல்வி மறுசீரமைப்பு அவசியம். அதனைச் செய்வதற்கே அரசு முயற்சிக்கின்றது.
எனினும், கல்வி மறுசீரமைப்பு நடவடிக்கையில் இடம்பெற்றுள்ள ஒரு பிழையை அடிப்படையாகக் கொண்டு ஒட்டுமொத்த மறுசீரமைப்பையும் குழப்புவதற்கு எதிரணியினர் முற்படுகின்றனர்.
இது எமது நாட்டு பிள்ளைகளின் எதிர்காலத்தைச் சீரழிப்பதற்கு எதிரணியினர் முயற்சிக்கின்றனர்.” – என்றார்.
