‘ஈடுசெய்ய முடியாத பேரிழப்பு’ – வி.எஸ். பாபு மறைவுக்கு விஜய் உருக்கம்!
கொளத்தூர் தொகுதி தமிழக வெற்றிக் கழகத்தின் (தவெக) சட்டமன்ற உறுப்பினர் வி.எஸ். பாபுவின் மறைவுக்கு தமிழக முதலமைச்சர் விஜய் ஆழ்ந்த இரங்கல் தெரிவித்துள்ளார்.
இது தொடர்பாக தனது உத்தியோகபூர்வ எக்ஸ் சமூக வலைத்தளப் பதிவில் கருத்து வெளியிட்டுள்ள அவர், வி.எஸ். பாபுவின் மறைவுச் செய்தி அறிந்து ஆழ்ந்த வேதனையும் துயரமும் அடைந்ததாகக் குறிப்பிட்டுள்ளார்.
பொதுவாழ்வில் தன்னை முழுமையாக அர்ப்பணித்து, மக்களோடு மக்களாகப் பழகி அனைவரினதும் அன்பு, ஆதரவு மற்றும் நம்பிக்கையைப் பெற்றிருந்த வி.எஸ். பாபுவின் திடீர் மறைவு ஈடுசெய்ய முடியாத பேரிழப்பு எனவும் விஜய் தெரிவித்துள்ளார்.
அத்துடன், அவரது மறைவால் துயரமடைந்துள்ள குடும்பத்தினர், உறவினர்கள், நண்பர்கள், தவெக நிர்வாகிகள், தொண்டர்கள் மற்றும் கொளத்தூர் தொகுதி மக்கள் அனைவருக்கும் தனது ஆழ்ந்த இரங்கலையும் ஆறுதலையும் தெரிவித்துள்ளார்.


