உள்ளடக்கத்திற்குச் செல்க
நவம்பர் 2026
18 புதன்
4210 பேர் இப்போது பார்க்கின்றனர்

சபரிமலை ஐயப்பன் கோவிலின் நடை திறப்பு

இந்திய செய்திகள் 15 மணி நேரம் முன்
80 பார்வைகள்

மண்டல பூஜைக்காக, சபரிமலை ஐயப்பன் கோவிலில் நேற்று (17) நடை திறக்கப்பட்டுள்ளது.

கார்த்திகை மாத பிறப்பையொட்டி சபரிமலை ஐயப்பன் கோவில் நடை பூஜைகளுடன் திறக்கப்பட்டது.

முதல் நாளில் 30 ஆயிரம் பக்தர்கள் அனுமதிக்கப்பட்ட நிலையில் தினசரி 80,000 பக்தர்கள் அனுமதிக்கப்படவுள்ளதாக தெரிவிக்கப்படுகின்றது.

டிசம்பர் 27 ஆம் திகதியன்று மண்டல பூஜை நடைபெற்று அன்றுடன் நடை அடைக்கப்படும்.

அடுத்தாண்டு ஜனவரி மாதம் 14 ஆம் திகதி நடைபெற உள்ள மகரவிளக்கு பூஜைக்காக டிசம்பர் 30ஆம் திகதி ஐயப்பன் கோயில் நடை மீண்டும் திறக்கப்படும்.

இந்த நிலையில், கார்த்திகை மாத பிறப்பை முன்னிட்டு குற்றாலம் அருவியில் ஏராளமான ஐயப்ப பக்தர்கள் புனித நீராடி, மாலை அணிந்து தங்களது 48 நாள் விரதத்தைத் தொடங்கியுள்ளனர்.

மங்​கல இசை மற்​றும் பக்​தர்​களின் சரண கோஷத்​தால் சந்​நிதானம் களைகட்​டியது.

இதனைத் தொடர்ந்து, புதிய மேல்​சாந்​தி​கள் பொறுப்​பேற்​றுக் கொண்​டனர்.

மங்​கல இசை முழங்க மேல்​சாந்தி பிரசாத் நம்​பூதிரி கோயில் கரு​வறையைத் திறந்து வைத்து நெய் தீபம் ஏற்​றினார்.

தொடர்ந்து 18-ம் படி வழியே கீழிறங்கி சென்று ஆழிகுண்​டத்​தில் தேங்​காய் விளக்​கில் தீபம் ஏற்​றினார். பின்பு ஐயப்​பன் விக்​கிரகத்​தின் மேல் பூசப்​பட்​டிருந்த விபூதி, ருத்​ராட்ச மாலை அகற்​றப்​பட்டு யோகநித்​திரை நிலை மாற்​றப்​பட்​டது.

இந்த விபூதி பக்​தர்​களுக்கு பிரசாத​மாக வழங்​கப்​பட்​டது.

புதிய மேல்​சாந்​தி​களாக சபரிமலைக்கு சுப்​பிரமணி​யன் நம்​பூதிரி, மாளி​கைப்​புரத்​தம்​மன் கோயிலுக்கு தாமோதரன் நம்​பூதிரி ஆகியோர் தேர்வு செய்​யப்​பட்டு இருந்​தனர்.

இவர்​கள் இரு​வரும் இரு​முடி கட்​டுடன் பதினெட்​டாம்​படி வழியே ஏறினர். இவர்​களை முன்​னாள் மேல்​சாந்​தி​களான பிரசாத் நம்​பூதிரி, மனு நம்​பூதிரி ஆகியோர் கரம் பிடித்து அழைத்​துச் சென்​றனர்.

பின்பு கரு​வறை முன்​புள்ள சோபானம் எனும் புனித படிக்​கட்டு அருகே அமர வைத்து தந்​திரி கண்​டரரு பிரம்​மதத்​தன் இரு​வருக்​கும் சந்​தன அபிஷேகம் செய்து புனிதநீர் தெளித்​தார்.

பின்​னர், அவர்​களை கரு​வறைக்​குள் அழைத்​துச் சென்று மூல மந்​திரத்தை காதில் உப​தேசித்​தார்.

முதல்நாளான நேற்று காலை​யில் இருந்தே நிலக்​கல்​லில் பக்​தர்​கள் கூட்​டம் அதி​க​மாக இருந்​தது. இருப்​பினும் மாலை​யில் நடை திறக்​கப்​பட்​ட​தால் பிற்​பகலில் இருந்தே பம்​பைக்​குச் செல்ல அனுமதிக்​கப்​பட்​டனர்.

மண்​டல வழிபாட்​டுக் காலம் தொடங்​கிய​தால் சந்​நிதானம், பம்பை, நிலக்​கல், எரு​மேலி மட்​டுமல்​லாது வனப்​பாதை மற்​றும் தேனி உள்​ளிட்ட பல்​வேறு வழித்​தடங்​களும் பக்​தர்​கள் வருகை​யால் களை கட்​டியது

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இந்திய செய்திகள்

பெட்ரோலியப் பொருட்கள் மீதான ஏற்றுமதி வரிகளை உயர்த்தியது இந்திய அரசு!

புவிசார் அரசியல் நிச்சயமற்ற சூழலில், பெட்ரோலியப் பொருட்களுக்கான வரிகளை மத்திய அரசு தொடர்ந்து மீளாய்வு செய்து வரும் நிலையில், டீசல் மீதான ஏற்றுமதி வரியை லிட்டருக்கு 14…

98 0 0
இந்திய செய்திகள்

சச்சினுடன் வீதியில் கிறிக்கெட் விளையாடிய பிரித்தானிய அரச தம்பதியினர்

மூன்று நாள் உத்தியோகபூர்வ விஜயத்தை மேற்கொண்டு இந்தியா சென்றுள்ள பிரித்தானிய இளவரசர் வில்லியம் மற்றும் கேட் மிடில்டன், தமது பயணத்தின் முதல் நாளான இன்று மும்பையில் நடைபெற்ற…

89 0 0
இந்திய செய்திகள்

சீனாவுக்கு எதிரான தொழில்நுட்பக் கூட்டணியில் இந்தியா?

சீனா மேம்பட்ட தொழில்நுட்பங்களை, குறிப்பாக உயர்தர செமிகண்டக்டர் சிப்களைப் பெறுவது குறித்த கவலைகள் அதிகரித்து வரும் சூழலில், முக்கியமான தொழில்நுட்பங்கள் மற்றும் செயற்கை நுண்ணறிவு (AI) விநியோகச்…

109 0 0
இந்திய செய்திகள்

இளவரசர் வில்லியமுடன் இந்தியா செல்கிறார் வேல்ஸ் இளவரசி கேட்!

பிரித்தானியாவின் வேல்ஸ் இளவரசி கேட், புற்றுநோய்க்கான சிகிச்சைக்குப் பின்னர் மேற்கொள்ளும் மிக முக்கியமான வெளிநாட்டுப் பயணமாக, இந்த வாரம் இந்தியாவில் நடைபெறவுள்ள ‘எர்த்ஷாட் பரிசு’ (Earthshot Prize)…

105 0 0