நடிகர் ரவி மோகன் மற்றும் பாடகி கெனிஷா பிரான்சிஸ் தொடர்பான விவகாரம் மீண்டும் சமூக வலைத்தளங்களில் பேசுபொருளாகியுள்ளது.
இருவரும் பிரிந்துவிட்டதாக அண்மையில் செய்திகள் வெளியாகியிருந்த நிலையில், தற்போது இருவரும் இணைந்து திருப்போரூர் முருகன் கோயிலில் தரிசனம் செய்துள்ளதாகக் கூறப்படும் நிழற்படங்கள் சமூக வலைத்தளங்களில் வைரலாகி வருகின்றன.
ரவி மோகன் தனது மனைவி ஆர்த்தியுடன் கடந்த 2024ஆம் ஆண்டு விவாகரத்து தொடர்பான அறிவிப்பை வெளியிட்டிருந்தார்.
இதனைத் தொடர்ந்து, ரவி மோகனுக்கும் கெனிஷாவுக்கும் நெருங்கிய தொடர்பு இருப்பதாக ஆர்த்தி தரப்பில் குற்றச்சாட்டுகள் முன்வைக்கப்பட்டிருந்தன.
எனினும், கெனிஷா தனது மனநல ஆலோசகராகவும் நெருங்கிய நண்பராகவும் மட்டுமே இருப்பதாக ரவி மோகன் முன்னர் விளக்கம் அளித்திருந்தார்.
இருவரும் கடந்த சில ஆண்டுகளில் பல்வேறு நிகழ்ச்சிகளில் ஒன்றாகக் காணப்பட்டதுடன், ரவி மோகனின் தயாரிப்பு நிறுவனத்திலும் கெனிஷா இணைந்து செயல்பட்டதாக தகவல்கள் வெளியாகியிருந்தன.
இதற்கிடையில், இருவரும் பிரிந்துவிட்டதாக செய்திகள் வெளியான நிலையில், கெனிஷா தன்னை விட்டு விலகிவிட்டதாக ரவி மோகன் ஊடகவியலாளர்களிடம் தெரிவித்திருந்தார்.
அதன்பின்னர், கோவாவில் இருவரும் ஒன்றாக இருந்த காட்சிகள் சமூக வலைத்தளங்களில் வெளியாகி கவனம் பெற்றிருந்தன.
இந்நிலையில், தற்போது இருவரும் திருப்போரூர் முருகன் கோயிலில் ஒன்றாக தரிசனம் செய்துள்ளதாக வெளியாகியுள்ள நிழற்படங்கள் மீண்டும் சமூக வலைத்தளங்களில் பேசுபொருளாகியுள்ளன.
இந்த நிழற்படங்களை அடிப்படையாகக் கொண்டு ரசிகர்கள் பல்வேறு கருத்துக்களைப் பதிவிட்டு வருகின்றனர்.
