உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பெர்லின் தாக்குதலுடன் தொடர்புடைய சந்தேகநபர் பொலிஸாரின் துப்பாக்கிச் சூட்டில் உயிரிழப்பு!

உலக செய்திகள் 4 மாதங்கள் முன்
119 பார்வைகள்

ஜேர்மனியின் பெர்லின் நகரில் நடைபெற்ற பிரைட் (Pride) பேரணியின் மீது தாக்குதல் நடத்திய சந்தேகநபர்,  பொலீசாரின் தேடுதல் நடவடிக்கையின் போது துப்பாக்கிச் சூட்டில் உயிரிழந்துள்ளதாக ஜேர்மன் ஊடகங்கள் செய்தி வெளியிட்டுள்ளன.

மேற்கு பெர்லினிலுள்ள ஸ்பாண்டாவ் (Spandau) பகுதியில் அமைந்துள்ள தோட்டம் ஒன்றில் மேற்கொள்ளப்பட்ட காவல்துறை நடவடிக்கையின் போதே இந்த சம்பவம் இடம்பெற்றுள்ளது.

முன்னதாக அப்துல் பலூத் (Abdul Ballout) என்ற 21 வயதுடைய இந்த இளைஞர், மக்கள் கூட்ட நெரிசலுக்குள் வாகனத்தை செலுத்தியதுடன், கத்தியால் பலரைக் குத்தியதாக குற்றம் சாட்டப்பட்டுள்ளது.

இந்த தாக்குதலில் பெண் ஒருவர் உயிரிழந்ததுடன், குறைந்தது 29 பேர் காயமடைந்தனர்.

லெபனான் பின்னணியைக் கொண்ட ஜேர்மன் பிரஜையான இவர், ஏற்கனவே குற்றப் பின்னணி கொண்டவர் என்பதோடு, ஐஎஸ் தீவிரவாத அமைப்பில் இணைய முயன்றவர் என்பதும் தெரியவந்துள்ளது.

இந்த தாக்குதலைத் தொடர்ந்து நாட்டின் பாதுகாப்பு அச்சுறுத்தல் மட்டம் உயர்த்தப்பட்டுள்ளதாக அறிவித்துள்ள ஜேர்மனியின் உள்துறை அமைச்சர், “இதேபோன்ற தாக்குதல்கள் மீண்டும் தொடர்வதற்கான வாய்ப்புகளை நிராகரிக்க முடியாது” என எச்சரிக்கை விடுத்துள்ளார்.

பிரமாண்டமானதொரு கொண்டாட்டத்தின் மகிழ்ச்சியோடு விடிய வேண்டிய பெர்லின் நகரம், மற்றொரு கொடூரத் தாக்குதலின் அதிர்ச்சியோடும் சோகத்தோடும் விடிந்துள்ளதாக அந்த நாட்டு ஊடகங்கள் செய்தி வெளியிட்டுள்ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0