கல்முனை அல்-பஹ்றியா தேசிய பாடசாலையின் புலமைப்பரிசில் பரீட்சை சாதனையாளர்களுக்கு கௌரவிப்பு!

கல்முனை அல்-பஹ்றியா மகா வித்தியாலயத்தில் 2026ஆம் ஆண்டு தரம் 5 புலமைப்பரிசில் பரீட்சையில் வெட்டுப்புள்ளிக்கு மேல் புள்ளிகளைப் பெற்று சாதனை படைத்த மாணவர்களைக் கௌரவிக்கும் நிகழ்வு அண்மையில் மிகச் சிறப்பாக நடைபெற்றது.

பாடசாலையின் அதிபர் M.S.M. பைஷால் அவர்களின் தலைமையில் நடைபெற்ற இந்நிகழ்வானது, பாடசாலையின் 2002ஆம் ஆண்டு க.பொ.த சாதாரண தர (O/L) பழைய மாணவர் அணியினரின் ஏற்பாட்டில் ஏற்பாடு செய்யப்பட்டிருந்தது.

இப்பரீட்சையில் வெட்டுப்புள்ளிக்கு மேல் புள்ளிகளைப் பெற்று பாடசாலைக்குப் பெருமை சேர்த்த 10 மாணவர்கள் இதன்போது பாராட்டி கௌரவிக்கப்பட்டதுடன், அவர்களுக்கான சிறப்பு நினைவச்சின்னங்களும் வழங்கி வைக்கப்பட்டன.
அத்துடன், பாடசாலையின் கல்வி வளர்ச்சிக்கும் மாணவர்களின் வெற்றிக்கும் தொடர்ச்சியாக வழிகாட்டி வரும் அதிபர் M.S.M. பைஷால் அவர்களின் சேவையைப் பாராட்டி, 2002 O/L பழைய மாணவர்கள் அணியினரால் அவருக்கு பொன்னாடை போர்த்தப்பட்டு, சிறப்பு நினைவச்சின்னமும் வழங்கி கௌரவிக்கப்பட்டது.

இந்நிகழ்வில் 2002 O/L பழைய மாணவர் அணியின் சார்பில் அதன் பிரதிநிதி S.N. ஹஸ்மி, மாணவர்கள், ஆசிரியர்கள், பெற்றோர்கள், பொதுமக்கள் எனப் பலரும் கலந்து சிறப்பித்தனர்.