உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பாலியல் துஷ்பிரயோகம் தொடர்பான விசாரணையில் கனடாவில் இலங்கை வைத்தியர் கைது!

உலக செய்திகள் 4 மாதங்கள் முன்
132 பார்வைகள்

டொராண்டோவில் அமைந்துள்ள புகழ்பெற்ற குழந்தைகளுக்கான மருத்துவமனையான Hospital for Sick Children (SickKids)-இல் பணியாற்றும் வைத்தியர் ஒருவர், சிறுவர் பாலியல் துஷ்பிரயோகம் மற்றும் சுரண்டல் தொடர்பான இணையவழி விசாரணையைத் தொடர்ந்து கைது செய்யப்பட்டு குற்றஞ்சாட்டப்பட்டுள்ளார்.

டொராண்டோ பொலிஸாரின் Internet Child Exploitation (ICE) பிரிவு, சிறுவர் பாலியல் துஷ்பிரயோகம் மற்றும் சுரண்டல் தொடர்பான உள்ளடக்கங்கள் ஒரு மின்னணு சாதனம் மூலம் அணுகப்பட்டு பதிவிறக்கம் செய்யப்பட்டதாகக் கூறப்படும் தகவலைத் தொடர்ந்து, 2026 ஜனவரி மாதத்தில் விசாரணையை ஆரம்பித்தது.

இதனைத் தொடர்ந்து, 2026 பெப்ரவரி மாதத்தில் Hospital for Sick Children மற்றும் தனியார் வீடொன்றில் தேடுதல் உத்தரவுகள் அமுல்படுத்தப்பட்டதாக பொலிஸார் தெரிவித்துள்ளனர்.

இந்த நடவடிக்கையின்போது, பணியிடக் கணினி உட்பட பல மின்னணு சாதனங்கள் கைப்பற்றப்பட்டன.

இந்த நிலையில், டொராண்டோவைச் சேர்ந்த 44 வயதுடைய இலங்கையை பூர்வீகமாகக் கொண்ட வைத்தியர் டிலன் திசாநாயக்க (Dilan Dissanayake) என்பவர் செவ்வாய்க்கிழமை (21) கைது செய்யப்பட்டதாக பொலிஸார் தெரிவித்துள்ளனர்.

அவர் Hospital for Sick Children வைத்திசாலையின் வைத்தியராக பணியாற்றுவதை பொலிஸார் உறுதிப்படுத்தியுள்ள போதிலும், இதுவரை மேற்கொள்ளப்பட்ட விசாரணைகளில், சிறார் பாலியல் துஷ்பிரயோகம் மற்றும் சுரண்டல் தொடர்பான உள்ளடக்கங்கள் அவரது மருத்துவப் பணியுடன் தொடர்புடையவை என்பதற்கான எந்த ஆதாரமும் கண்டறியப்படவில்லை என தெரிவித்துள்ளனர்.

அவர் மீது சிறுவர் பாலியல் துஷ்பிரயோகம் மற்றும் சுரண்டல் தொடர்பான உள்ளடக்கங்களை வைத்திருந்தமை மற்றும் அவற்றை அணுகியமை ஆகிய குற்றச்சாட்டுகள் சுமத்தப்பட்டுள்ளன.

இது தொடர்பான விசாரணைகள் தொடர்ந்து முன்னெடுக்கப்பட்டு வருவதாக டொராண்டோ பொலிஸார் தெரிவித்துள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0