உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

கனடாவில் இருந்து இறக்குமதி செய்யப்படும் பொருட்களுக்கு 50% கூடுதல் வரி! – அமெரிக்கா அறிவிப்பு

உலக செய்திகள் 4 மாதங்கள் முன்
164 பார்வைகள்

கனடாவில் இருந்து இறக்குமதி செய்யப்படும் பல்வேறு பொருட்கள் மீது 50% கூடுதல் வரி விதிப்பதாக அமெரிக்க ஜனாதிபதி டொனால்ட் ட்ரம்ப் திங்களன்று (20) அறிவித்தார்.

அமெரிக்காவில் தயாரிக்கப்பட்ட கார்கள், மதுபானம் மற்றும் பால் பொருட்கள் மீது கனடா பாரபட்சமாக நடந்துகொள்வதாக அமெரிக்க நிர்வாகம் குற்றம் சாட்டியதைத் தொடர்ந்து இந்த வரி விதிப்பு வந்துள்ளது.

இது உலகளாவிய வர்த்தகப் போரில் ஒரு புதிய முனையைத் திறக்கும் அபாயத்தை ஏற்படுத்தியுள்ளது.

வைய்ன், சீமெந்து மற்றும் ஐஸ் ஹாக்கி உபகரணங்கள் உள்ளிட்ட பல்வேறு பொருட்களின் மீது இறக்குமதி வரிகளை விதித்தபோது ட்ரம்ப், 1930-ஆம் ஆண்டின் சுங்கவரிச் சட்டத்தின் 338 ஆவது பிரிவைப் பயன்படுத்தினார்.

அமெரிக்கப் பொருட்களுக்கு எதிராகப் பாகுபாடு காட்டுவதாகக் கருதப்படும் வர்த்தகப் பங்காளிகள் மீது 50% வரை தண்டனைக்குரிய வரிகளை விதிக்க இச்சட்டம் ஜனாதிபதிக்கு அதிகாரம் அளிக்கிறது.

ஏறக்குறைய ஒரு நூற்றாண்டு கால வரலாற்றில், இச்சட்டம் பயன்படுத்தப்பட்டதற்கான முதல் நிகழ்வாக இது அமைந்தது.

30 நாட்களில் நடைமுறைக்கு வரவுள்ள புதிய வரிகள், பால் பொருட்கள், நீச்சல் குளங்கள், தளபாடங்கள், மீன்பிடித் தூண்டில்கள், விதைகள், ஆடைகள் மற்றும் செயற்கை தலைமுடிகள் (wigs) உள்ளிட்ட பிற பொருட்களுக்கும் பொருந்தும்.

கனடாவிலிருந்து இறக்குமதி செய்யப்படும் சுமார் 20 பில்லியன் டொலர் மதிப்பிலான பொருட்களுக்கு இந்த வரிகள் பொருந்தும் என்று அமெரிக்க வர்த்தகப் பிரதிநிதி அலுவலகம் தெரிவித்துள்ளது.

அமெரிக்க மக்கள் தொகை கணக்கெடுப்புப் பணியகத்தின் (US Census Bureau) தரவுகளின்படி, 2025-ஆம் ஆண்டில் கனடாவிலிருந்து அமெரிக்கா இறக்குமதி செய்த 382 பில்லியன் டொலர் மதிப்பிலான பொருட்களில் இது சுமார் 5.2 சதவீதமாகும்.q

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0