இந்தியாவின் ஆந்திர மாநிலத்தில் இடம்பெற்ற கோர விபத்தில் 13 பேர் உயிரிழந்துள்ளனர் என அந்நாட்டு ஊடகங்கள் தெரிவிக்கின்றன.
பிரகாசம் மாவட்டத்தின் மார்க்கபுரம் – ராயவரம் பகுதிக்கு அருகில் இன்று (26) அதிகாலை தனியார் சொகுசு பேருந்தொன்று, கற்கள் ஏற்றிச் சென்ற பாரவூர்தியுடன் நேருக்கு நேர் மோதியுள்ளது.
மோதிய உடனே இரு வாகனங்களும் தீப்பற்றி எரிந்த நிலையில், பேருந்தில் பயணித்த 13 பேர் உடல் கருகி உயிரிழந்துள்ளனர்.
இதில் மேலும் 20க்கும் மேற்பட்டோர் காயமடைந்து வைத்தியசாலைகளில் அனுமதிக்கப்பட்டுள்ளனர்.
அவர்களில் சிலரின் நிலை கவலைக்கிடமாக இருப்பதாக தெரிவிக்கப்படுவதால், உயிரிழப்பு எண்ணிக்கை மேலும் அதிகரிக்கலாம் என அச்சம் வெளியிடப்பட்டுள்ளது.சம்பவம் தொடர்பாக பொலிஸார்மேலதிக விசாரணைகளை மேற்கொண்டு வருவதுடன், உயிரிழந்தவர்களின் அடையாளம் காணும் பணிகளும் தொடர்ந்துவருகின்றன.
