மேற்கு ஆசிய நிலவரம் குறித்து அனைத்து கட்சி கூட்டத்தில் ஆலோசனை.!

மேற்கு ஆசியாவில் நிலவும் தற்போதைய பதற்றமான சூழ்நிலை குறித்து ஆலோசிப்பதற்காக, இந்திய மத்திய அரசு நேற்று அனைத்துக் கட்சி கூட்டம் ஒன்றை கூட்டியது. இந்தக் கூட்டம் பாதுகாப்புத்துறை அமைச்சர் ராஜ்நாத் சிங் தலைமையில் நடைபெற்றது.
கூட்டத்தில் வெளியுறவுத்துறை அமைச்சர் எஸ். ஜெய்சங்கர், பெட்ரோலியத்துறை அமைச்சர் ஹர்தீப் சிங் புரி உள்ளிட்ட அமைச்சர்கள் மற்றும் அனைத்துக் கட்சி பிரதிநிதிகள் கலந்து கொண்டனர்.

இக்கூட்டத்தின் போது, வெளியுறவுத்துறை செயலாளர் விக்ரம் மிஸ்ரி மேற்கு ஆசியாவின் தற்போதைய நிலை குறித்து விரிவான விளக்கமளித்தார். தொடர்ந்து உரையாற்றிய அமைச்சர்கள், குறிப்பாக எரிசக்தி விநியோகம் தொடர்பான நிலவரத்தையும் விளக்கினர்.நாட்டிற்கு தேவையான கச்சா எண்ணெய், எரிவாயு (LPG) மற்றும் உரங்கள் போதிய அளவில் கையிருப்பில் உள்ளன என்றும், எரிசக்தி விநியோகத்தில் உடனடி சிக்கல்கள் ஏற்பட வாய்ப்பு குறைவாக உள்ளதாகவும் பெட்ரோலியத்துறை அமைச்சர் தெரிவித்துள்ளார்.

`
இதற்கிடையில், மேற்கு ஆசிய பிரச்சினையில் பாகிஸ்தானின் பங்கு குறித்து எதிர்க்கட்சித் தரப்பினர் கேள்விகளை எழுப்பினர். இக்கேள்விகளுக்கு மத்திய அரசு திருப்திகரமான பதில்களை வழங்கியுள்ளதாக மத்திய அமைச்சர் கிரண் ரிஜிஜு தெரிவித்துள்ளார்.மேற்கு ஆசிய மோதலின் பின்னணியில், இந்தியா தனது பொருளாதாரம் மற்றும் எரிசக்தி பாதுகாப்பை உறுதிப்படுத்தும் வகையில் முன்னெச்சரிக்கை நடவடிக்கைகளை மேற்கொண்டு வருவதாகவும் அதிகாரிகள் குறிப்பிட்டுள்ளனர்.