இந்தியாவின் ஒடிசா மாநிலம் கட்டாக் பகுதியில் அமைந்துள்ள எஸ்சிபி மருத்துவக் கல்லூரி மருத்துவமனையில் ஏற்பட்ட தீ விபத்தில் சுமார் 10 நோயாளிகள் உயிரிழந்துள்ளனர்.
மருத்துவமனையின் தீவிர சிகிச்சைப் பிரிவில் இன்று (மார்ச் 16) அதிகாலை ஏற்பட்ட தீ விபத்தில், அங்கு சிகிச்சை பெற்று வந்த நோயாளிகளில் 10 பேர் உயிரிழந்ததாக அதிகாரிகள் தெரிவித்துள்ளனர். மேலும் 5 பேர் உயிருக்கு ஆபத்தான நிலையில் சிகிச்சை பெற்று வருகின்றனர்.
விபத்திலிருந்து பாதுகாப்பாக மீட்கப்பட்ட சில நோயாளிகள், அதே மருத்துவமனை வளாகத்தில் உள்ள புதிய கட்டிடத்திற்கு மாற்றப்பட்டுள்ளனர்.சம்பவம் தொடர்பாக அறிந்த ஒடிசா மாநில முதல்வர் மோகன் மாஜி, உடனடியாக சம்பவ இடத்துக்கு சென்று தீ விபத்தில் இருந்து தப்பிய நோயாளிகளிடம் நலம் விசாரித்தார்.
அவர்களுக்கு தேவையான சிகிச்சைகள் முழுமையாக வழங்கப்படும் எனவும் அவர் உறுதியளித்தார்.மேலும், இந்த தீ விபத்துக்கான காரணத்தை கண்டறிய சட்டரீதியான விசாரணை நடத்த உத்தரவிடப்பட்டுள்ளது.
இந்நிலையில் உயிரிழந்தவர்களின் குடும்பங்களுக்கு முதல்வரின் நிவாரண நிதியிலிருந்து தலா 25 லட்சம் ரூபாய் வழங்கப்படும் என ஒடிசா அரசு அறிவித்துள்ளது.அத்துடன் காயமடைந்தவர்களுக்கு விரைவான மற்றும் முழுமையான சிகிச்சை அளிக்க மருத்துவர்கள் மற்றும் மருத்துவக் குழுவினருக்கு மாநில அரசு உத்தரவிட்டுள்ளது.
