வளைகுடா நாடுகளிலும் மோதல் தீவிரமாகத் தொடரும் நிலையில், கத்தாரிலிருந்து சுமார் 1,000 இந்தியர்கள் தாயகத்திற்கு பாதுகாப்பாக திரும்பியுள்ளனர் என்று மத்திய அரசு தெரிவித்துள்ளது.UAE, சவுதி அரேபியா, குவைத், கத்தார் மற்றும் ஓமன் போன்ற வளைகுடா நாடுகளில் ஈரான் தாக்குதல் நடத்தி வருகிறது. இதனால், இந்தியர்களின் பாதுகாப்பை உறுதி செய்ய மத்திய அரசு கேட்டுக்கொண்டுள்ளது.
தாயகம் திரும்ப விரும்புபவர்கள் உடனடியாக அங்கிருந்து வெளியேறுமாறு அறிவுறுத்தப்பட்டுள்ளனர்.
கத்தாரிலுள்ள இந்திய தூதரகம் தெரிவித்ததாவது, இந்தச் சுற்றுலாப் பயணிகள் டில்லி, மும்பை மற்றும் கொச்சி நகரங்களுக்கு வந்தனர்.மேலும், சவுதி அரேபியாவுக்குச் செல்லும் இந்தியர்களுக்கு 96 மணிநேரச் செல்லுபடியாகும் தற்காலிக போக்குவரத்து விசாக்கள் வழங்கப்பட்டுள்ளன.
தூதரகத்தின் 24 மணி நேர செயல்படும் கட்டுப்பாட்டு அறை தொடர்ந்து இயங்கி வருகிறது.இந்தியர்கள் தாயகம் திரும்புவதற்காக மனிதாபிமான அடிப்படையில் முன்னுரிமை வழங்கிய கத்தார் ஏர்வேஸ் நிறுவனத்திற்கு இந்திய தூதரகம் நன்றி தெரிவித்துள்ளது. கத்தார் ஏர்வேஸ் விமானம் இன்றும் இந்தியர்களை டில்லி நோக்கி அழைத்துச் செல்லும் திட்டம் உள்ளதாக அறிவிக்கப்பட்டுள்ளது.
இதனிடையே, பஹ்ரைனில் இருந்து அண்டை நாடுகளுக்கு தனியார் அமைப்புகள் ஏற்பாடு செய்யும் போக்குவரத்துக்கு இந்தியத் தூதரகத்தின் எந்த தொடர்பும் இல்லாததாக பஹ்ரைனில் உள்ள இந்திய தூதரகம் தெரிவித்துள்ளது.
