ஸ்டாக்ஹோம் சர்வதேச அமைதி ஆராய்ச்சி நிறுவனம் (சிப்ரி) வெளியிட்ட ஆய்வு அறிக்கையின் படி, உலகளவில் ஆயுதங்களை இறக்குமதி செய்யும் நாடுகளில் இந்தியா இரண்டாம் இடத்தில் உள்ளது.
அறிக்கையில் குறிப்பிடப்பட்டதாவது: சீனா மற்றும் பாகிஸ்தான் எல்லைகளில் நிலவும் பதற்றமான சூழல் இந்தியாவை அதிக அளவில் ஆயுதங்களை வாங்குவதற்கு தூண்டியுள்ளது. கடந்த 2016–2020 காலப்பகுதியை ஒப்பிடுகையில், 2021–2025 காலத்தில் இந்தியாவின் ஆயுத இறக்குமதி 4% குறைந்துள்ளது.
அதினாலும், உலக ஆயுத இறக்குமதியில் இந்தியா 8.2% பங்குடன் இரண்டாமிடத்தில் உள்ளது. முதலிடத்தில் உக்ரைன் (9.7%) உள்ளது. இந்தியாவின் உள்நாட்டு ஆயுத உற்பத்தி திட்டங்கள் அதிகரித்திருப்பதால் இறக்குமதி ஓரளவு குறைந்துள்ளது.
முதன்மை ஆயுத விநியோகஸ்தராக ரஷ்யா (40%) இருந்தாலும், கடந்த 15 ஆண்டுகளில் ரஷ்யாவிடமிருந்து வாங்கும் அளவு பாதியாக குறைந்துள்ளது. தற்போதைய நிலவரப்படி, பிரான்ஸ் (29%) மற்றும் இஸ்ரேல் (15%) ஆகிய நாடுகளிலிருந்து இந்தியா அதிக ஆயுதங்களை இறக்குமதி செய்கிறது.
