சென்னையில் மூத்த பத்திரிகையாளர் எஸ். ராமசாமி காலமானார்.!

மூத்த பத்திரிகையாளர் பிடிஐ ராமசாமி, சென்னையில் உடல்நலக் குறைவால் 74 வயதில் காலமானார். அவரது மறைவுக்கு தமிழக முதல்வர் மற்றும் பல தலைவர்கள் இரங்கல் தெரிவித்துள்ளார்.பிடிஐ செய்தி நிறுவனத்தின் முன்னாள் மண்டல மேலாளரும் மூத்த பத்திரிகையாளருமான எஸ். ராமசாமி, பத்திரிகையாளர் வட்டாரங்களில் ‘எஸ்.ஆர்’ என்ற பெயரில் அறியப்பட்டவர்.

1978 ஆம் ஆண்டு பிடிஐ செய்தி நிறுவனத்தில் இணைந்து, 30 ஆண்டுகளுக்கும் மேலாக பணியாற்றிய இவர், திமுக, அதிமுக உள்ளிட்ட கட்சிகளின் அரசியல் நகர்வுகளை கண்காணித்தவர்.

மறைந்த முன்னாள் முதல்வர்கள் எம்.ஜி.ஆர், ஜெயலலிதா, கருணாநிதி மற்றும் மூத்த தலைவர்களான ஜி.கே.மூப்பனார் உட்பட பலருடன் தனிப்பட்ட முறையில் நட்புறவு கொண்டிருந்தார்.