தேர்தலில் பண பலம் பயன்பாடு: தேர்தல் ஆணையம், மத்திய அரசு பதிலளிக்க உச்ச நீதிமன்றம் உத்தரவு.!

காமன் காஸ் அமைப்பு தாக்கல் செய்த பொதுநல மனு உச்ச நீதிமன்றத்தில் விசாரணைக்கு வந்தது. தலைமை நீதிபதி சூரியகாந்த் தலைமையிலான அமர்வு இந்த வழக்கை விசாரித்தது.

காமன் காஸ் சார்பில் மூத்த வழக்கறிஞர் பிரசாந்த் பூஷண் ஆஜராகி வாதிடுகையில், தேர்தலின்போது அரசியல் கட்சிகள் பண பலத்தைப் பயன்படுத்துவது ஜனநாயகத்திற்கு பாதிப்பை ஏற்படுத்துகிறது என்றும், தற்போதைய தேர்தல் செலவினக் கட்டுப்பாடுகள் வேட்பாளர்களுக்கு மட்டுமே பொருந்துகின்றன என்றும் தெரிவித்தார்.

இந்த வாதங்களை கவனித்த உச்ச நீதிமன்றம், மனு தொடர்பாக பதிலளிக்க தேர்தல் ஆணையத்துக்கும் மத்திய அரசுக்கும் உத்தரவிட்டு, வழக்கின் விசாரணையைத் தள்ளிவைத்துள்ளது.