அமெரிக்க உச்ச நீதிமன்றம் அதிபர் டொனால்ட் ட்ரம்ப் அறிவித்திருந்த உலகளாவிய வரிகளை ரத்து செய்ததைத் தொடர்ந்து, இந்தியா உள்ளிட்ட பல நாடுகள் நிம்மதி அடைந்ததாகக் கூறப்பட்டது.இத்தீர்ப்பை அவமானகரமானது என விமர்சித்த ட்ரம்ப், நீதிபதிகள் மீது கடுமையான குற்றச்சாட்டுகளை முன்வைத்ததுடன், தற்போது வர்த்தக ஒப்பந்தங்களை மறுபரிசீலனை செய்ய முனையும் நாடுகளுக்கும் எச்சரிக்கை விடுத்துள்ளார்.
திங்களன்று அவர் தனது சமூக வலைத்தளப் பதிவில், குறித்த நாடுகள் கடுமையான விளைவுகளை சந்திக்க நேரிடும் என தெரிவித்தார்.அப்பதிவில், “அபத்தமான உச்ச நீதிமன்றத் தீர்ப்பை காரணமாகக் கொண்டு அமெரிக்காவை ஏமாற்ற முயலும் எந்த நாடும், குறிப்பாக பல ஆண்டுகளாக அமெரிக்காவை தவறாக பயன்படுத்திய நாடுகள், தற்போதுள்ள வரிகளை விட அதிகமான வரிச்சுமையை எதிர்கொள்ள நேரிடும். அதன் விளைவுகள் மிகவும் கடுமையானதாக இருக்கும்” என அவர் குறிப்பிட்டுள்ளார்.
இந்தக் கருத்து உலக வர்த்தக வட்டாரங்களில் புதிய பரபரப்பை ஏற்படுத்தியுள்ளது.
