பிரித்தானியாவின் புதிய குடியுரிமை விதிமுறைகள், இரட்டை குடியுரிமை கொண்ட பெண்களுக்கு பாரபட்சமாக அமைந்ததாக விமர்சனங்கள் எழுந்துள்ளன.புதிய விதியின் படி, இரட்டை குடியுரிமை கொண்டவர்கள் பிரித்தானியாவிற்குள் நுழையும்போது கட்டாயமாக பிரித்தானிய கடவுச்சீட்டை சமர்ப்பிக்க வேண்டும். இந்த நடைமுறை எதிர்வரும் பெப்ரவரி 25 முதல் அமுலுக்கு வரும்.
பிரித்தானிய கடவுச்சீட்டு இல்லாதவர்கள் சுமார் 2.3 இலட்சம் இலங்கை ரூபாய் செலவில் ‘சேர்ந்துரிமைச் சான்றிதழ்’ (Certificate of Entitlement) பெற்று, அதனை தங்களது இரண்டாவது நாட்டின் கடவுச்சீட்டுடன் இணைக்க வேண்டும். மேலும், இரண்டு கடவுச்சீட்டுகளிலும் பெயர்கள் துல்லியமாக பொருந்த வேண்டும் என்பது கட்டாயமாக்கப்பட்டுள்ளது.
கிரேக்கம் சட்டப்படி, திருமணத்திற்குப் பிறகும் பெண்கள் தங்களது பிறந்த வீட்டுப் பெயரை வைத்திருக்க வேண்டும். ஆனால் அவர்களின் பிரித்தானிய கடவுச்சீட்டில் கணவரின் பெயர் இருந்தால், இரண்டு கடவுச்சீட்டுகளிலும் பெயர்கள் வேறுபடும். இதனால் பயண அனுமதி மறுக்கப்பட வாய்ப்பு உள்ளது.
ஸ்பெயின் நாட்டில் ஒருவருக்கு இரண்டு குடும்பப் பெயர்கள் இருப்பது வழக்கம். எனினும், பிரித்தானிய கடவுச்சீட்டில் ஒரு பெயரே இடம்பெறும். இதன் காரணமாக பெயர் பொருத்தமின்மை ஏற்பட்டால், வானூர்தி நிறுவனங்கள் பயணத்தைமறுக்கக்கூடும்.இந்நிலையில், பெயர் பொருத்தமின்மை தொடர்பான சிக்கல்களை தனிப்பட்ட முறையில் பரிசீலிக்கத் தயாராக இருப்பதாக அமைச்சகம் தெரிவித்துள்ளது.
வெளிநாட்டு ஆவணங்களில் பெயரை மாற்ற முடியாது என்பதற்கான ஆதாரங்களை சமர்ப்பித்தால் விதிவிலக்கு வழங்கப்படும் என்றும் அறிவிக்கப்பட்டுள்ளது.ஐரிஷ் கடவுச்சீட்டு வைத்திருப்பவர்களுக்கு இந்த புதிய விதியிலிருந்து விலக்கு வழங்கப்பட்டுள்ளது.
