தூதரகப் பிரதானிகள் நால்வரின் பெயர்குறித்த நியமனங்களுக்கு நாடாளுமன்ற உயர் பதவிகள் தொடர்பான குழுவின் அங்கீகாரம் வழங்கப்பட்டுள்ளது.பிரதமர் கலாநிதி ஹரிணி அமரசூரிய தலைமையில் அண்மையில் கூடிய நாடாளுமன்றக் குழுக் கூட்டத்தின் போது இந்த அங்கீகாரம் வழங்கப்பட்டது.
அதற்கமைய, இஸ்ரேல் நாட்டிற்கான இலங்கைத் தூதுவராக ஹொரண மஹவத்தே கெதர சமன் குமார் சந்திரசிறி, கென்யா குடியரசிற்கான இலங்கை உயர் ஸ்தானிகராக வர்ணகுலசூரிய பீட்டர் ரொஹான் தம்மிக்க பெர்னாண்டோ, லெபனான் குடியரசிற்கான இலங்கைத் தூதுவராக அனுர விதானகே மற்றும் பலஸ்தீனம் நாட்டிற்கான இலங்கைப் பிரதிநிதியாக முகமது பாரூக் முகமது ஃபவுசர் ஆகியோர் பெயர்குறித்து நியமிக்கப்பட்டுள்ளனர்.இவர்களின் நியமனப் பரிந்துரைகள் அனைத்தும் நாடாளுமன்ற உயர் பதவிகள் பற்றிய குழுவினால் அங்கீகரிக்கப்பட்டுள்ளதாக அறிவிக்கப்பட்டுள்ளது.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
