கிரீன்லாந்து விவகாரத்தில் அமெரிக்க ஜனாதிபதி டொனால்ட் ட்ரம்ப் மற்றும் இங்கிலாந்து பிரதமர் கீர் ஸ்டார்மர் ஆகியோருக்கு இடையே முரண்பாடு ஏற்பட்டுள்ளது.நேட்டோ கூட்டணியின் பாதுகாப்பை உறுதி செய்ய இங்கிலாந்து ராணுவம் அங்கு மேற்கொண்ட சிறிய அளவிலான நடவடிக்கையை ட்ரம்ப் கடுமையாக விமர்சித்து, இங்கிலாந்து மீது புதிய வர்த்தக வரிகளை விதிப்பதாக அச்சுறுத்தியுள்ளார்.
இதற்குப் பதிலடியாக, ட்ரம்ப்பின் அணுகுமுறை முற்றிலும் தவறானது என்று இங்கிலாந்து பிரதமர் ஸ்டார்மர் தனது எதிர்ப்பைப் பதிவு செய்துள்ளார்.
வழக்கமாக அமெரிக்காவுடன் இணக்கமான உறவைப் பேண விரும்பும் ஸ்டார்மருக்கு, இங்கிலாந்தின் பொருளாதார வளர்ச்சியைப் பாதிக்கும் இந்த வரி அச்சுறுத்தல் பெரும் சவாலாக மாறியுள்ளது.தற்போதைய சூழலில், இங்கிலாந்தின் எதிர்க்கட்சிகளும் அரசின் இந்த நிலைப்பாட்டிற்கு ஆதரவு தெரிவித்து, ட்ரம்ப்பின் அதிரடிப் போக்கைக் கண்டித்துள்ளன.
இந்நிலையில் இந்தப் பதற்றமான சூழலைச் சமாளித்து இங்கிலாந்தின் நலன்களைப் பாதுகாப்பது ஸ்டார்மர் அரசுக்கு ஒரு கடினமான சோதனையாக உருவெடுத்துள்ளமை குறிப்பிடத்தக்கது.
