இங்கிலாந்தில் கொலைச் சம்பவங்களின் எண்ணிக்கை குறைந்து வருவதாக புள்ளிவிபரங்கள் தெரிவிப்பு!

இங்கிலாந்தில் கொலைச் சம்பவங்களின் எண்ணிக்கை கடந்த பத்து ஆண்டுகளில் இல்லாத அளவுக்குக் குறைந்துள்ளதாகப் புதிய புள்ளிவிவரங்கள் தெரிவிக்கின்றன.

குறிப்பாக, பதின்ம வயதினரிடையே நிலவும் வன்முறை மற்றும் உயிரிழப்புகள் 2012-ஆம் ஆண்டிற்குப் பின்னர் மிகக் குறைந்த அளவை எட்டியுள்ளது.

இந்தப் பாதுகாப்பு முன்னேற்றத்திற்குப் புத்தாக்கத் தொழில்நுட்பப் பயன்பாடு மற்றும் குற்றக்கும்பல்களை இலக்கு வைத்து நடத்தப்பட்ட துல்லியமான தேடுதல் நடவடிக்கைகளே முக்கியக் காரணமாகக் கருதப்படுகின்றன.அத்துடன், வன்முறைத் தடுப்புப் பிரிவின் முறையான தலையீடுகள் இளைஞர்கள் குற்றச்செயல்களில் ஈடுபடுவதைத் தடுத்து நல்வழிப்படுத்த உதவியுள்ளன.

இந்த நேர்மறையான மாற்றம் இங்கிலாந்தின் பாதுகாப்புச் சூழலை நியூயார்க் மற்றும் பெர்லின் போன்ற நகரங்களுடன் ஒப்பிடுகையில் மிகவும் மேம்பட்ட நிலைக்குக் கொண்டு சென்றுள்ளது.இருப்பினும், பெண்களுக்கு எதிரான வன்முறைகளைக் குறைக்கக் காவல்துறை இன்னும் தீவிரமாகப் பணியாற்ற வேண்டும் என்ற கருத்தும் முன்வைக்கப்பட்டுள்ளது.