உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

நடிகர் கமல்ஹாசன் குறித்து அவரது முன்னாள் மனைவி வானி கணபதி விமர்சனம்

சினிமா 3 நாட்கள் முன்
86 பார்வைகள்

நடிகர் கமல்ஹாசன் தனது முதல் மனைவியான நடனக் கலைஞர் வானி கணபதியுடனான விவாகரத்துக்குப் பின்னர் வங்கிக் கணக்கில் பணமின்றி பூஜ்ஜிய நிலையிலிருந்து வாழ்க்கையைத் தொடங்கியதாகக் கூறிய கருத்துக்கு, வானி கணபதி கடுமையாகப் பதிலளித்துள்ளார்.

2015ஆம் ஆண்டு நேர்காணல் ஒன்றில் கருத்துத் தெரிவித்த கமல்ஹாசன், விவாகரத்து தொடர்பான ஜீவனாம்சக் கொடுப்பனவுகளால் தனது பணம் அனைத்தையும் இழந்ததாகவும், இதனால் வாடகை வீட்டில் வசிக்க வேண்டிய நிலை ஏற்பட்டதாகவும் குறிப்பிட்டிருந்தார்.

மேலும், வங்கிக் கணக்கில் பணமின்றி மீண்டும் வாழ்க்கையைத் தொடங்கியதாகவும், அக்காலப்பகுதியில் தனது திரைப்பட வாழ்க்கை சிறப்பாக இருந்ததால் விரைவாக மீண்டெழ முடிந்ததாகவும் அவர் தெரிவித்திருந்தார்.

இந்தக் கருத்துக்கு எதிர்வினையாற்றிய வானி கணபதி, கமல்ஹாசனின் கூற்றுக்கள் முற்றிலும் ஆதாரமற்றவை எனக் குறிப்பிட்டுள்ளார்.

தங்களது திருமண வாழ்க்கைக் காலம் முழுவதும் வாடகை வீடுகளிலேயே வசித்ததாகவும், கமல்ஹாசனுக்குச் சொந்தமான பிரமாண்டமான வீட்டிலிருந்து விவாகரத்துக்குப் பின்னர் வாடகை வீட்டுக்கு மாறியதாகக் கூறுவது முற்றிலும் தவறானது என்றும் அவர் தெரிவித்துள்ளார்.

மேலும், தன்னிடம் இருந்து பிரிந்ததால் அனைத்துச் செல்வங்களையும் இழந்தவர் போன்ற தோற்றத்தை ஏற்படுத்தி, யாரிடமாவது அனுதாபத்தைப் பெறுவதற்காகவே கமல்ஹாசன் இவ்வாறான கருத்துக்களை வெளியிட்டிருக்கலாம் எனவும் அவர் விமர்சித்துள்ளார்.

கமல்ஹாசன் தனது திரைப்படங்கள் மற்றும் தனிப்பட்ட வாழ்க்கையில் ஏற்பட்ட தவறுகளுக்குத் தானே பொறுப்பேற்றுக்கொள்வதில்லை என்றும் வானி கணபதி குற்றஞ்சாட்டியுள்ளார்.

கமல்ஹாசனுக்கும் வானி கணபதிக்கும் 1978ஆம் ஆண்டு திருமணம் நடைபெற்றதுடன், 1988ஆம் ஆண்டு இருவரும் விவாகரத்துப் பெற்றனர்.

இதற்கிடையில், நடிகை சரிகாவுடன் கமல்ஹாசன் கொண்டிருந்த உறவின் மூலம் 1986ஆம் ஆண்டு ஸ்ருதிஹாசன் பிறந்தார்.

பின்னர் 1988ஆம் ஆண்டு சரிகாவைத் திருமணம் செய்துகொண்ட அவர், 2004ஆம் ஆண்டு அவரிடமிருந்தும் விவாகரத்துப் பெற்றார்.

அதன்பின்னர் நடிகை கௌதமியுடன் 13 ஆண்டுகள் இணைந்து வாழ்ந்த கமல்ஹாசன், 2016ஆம் ஆண்டு அவரிடமிருந்து பிரிந்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

சினிமா

பாரதியார் பாடல் கிராமி விருதுக்குப் பரிந்துரை!

உலக இசைத்துறையின் உயரிய விருதுகளில் ஒன்றாகக் கருதப்படும் கிராமி விருதுக்குப் பரிந்துரைக்கப்பட்ட முதல் தமிழ்ப் பாடல் என்ற வரலாற்றுச் சாதனையை ‘வருவாய்’ பாடல் படைத்துள்ளது. மகாகவி சுப்பிரமணிய…

146 0 0
சினிமா

சிம்புவின் ‘அரசன்’ படத்தில் அடுத்த சர்ப்ரைஸ்…

இயக்குநர் வெற்றிமாறன் இயக்கத்தில், நடிகர் சிம்பு நடிப்பில் உருவாகி வரும் ‘அரசன்’ திரைப்படம் தொடர்பான எதிர்பார்ப்புகள் நாளுக்கு நாள் அதிகரித்து வருகின்றன. இந்தநிலையில், இப்படத்தின் ‘ஃபயர் கிளிம்ப்ஸ்’…

129 0 0
சினிமா

“நான் வலிமையானவள்” – புற்றுநோய் சிகிச்சை குறித்து நடிகையின் நெகிழ்ச்சிப் பதிவு!

நடிகர் விஜயகாந்த் நடித்த ‘சொக்கத்தங்கம்’ திரைப்படத்தில் அவருக்கு தங்கையாக நடித்து ரசிகர்கள் மத்தியில் பிரபலமான நடிகை உமா சங்கரி, மார்பகப் புற்றுநோய்க்கு எதிராகப் போராடி வருகிறார். கடந்த…

130 0 0
சினிமா

திரைப்பயணத்தில் தவறான முடிவுகளை எடுத்து விட்டேன்!

தென்னிந்திய சினிமாவில் குறுகிய காலக்கட்டத்தில் டாப் இடத்தினை பிடித்த நடிகை ஸ்ரீலீலா, தன்னுடைய திரைப்பயணத்தில் தவறான முடிவுகளை எடுத்துவிட்டதாக கூறியுள்ளது பலருக்கும் அதிர்ச்சி கொடுத்துள்ளார். கன்னட சினிமாவில்…

100 0 0