முத்துக்குமரனுக்கு எதிராக கொந்தளிக்கும் இன்ஸ்டா பெண் பிரபலம்!
தனியார் தொலைக்காட்சி மூலம் பிரபலமான முத்துக்குமரன் மீது, இன்ஸ்டா பெண் பிரபலம் காவல்நிலையத்தில் முறைப்பாடு அளித்திருப்பது பரபரப்பை ஏற்படுத்தியுள்ளது.
தன்னை திருமணம் செய்து கொள்வதாகக் கூறி மோசடி செய்துவிட்டதாக குறித்த பெண் கூறிய காரணங்கள் பெரும் பரபரப்பை ஏற்படுத்தியுள்ளது.
அதனைத் தொடர்ந்து முத்துக்குமரன், குறித்த பெண் தன்னைப் பற்றி அவதூறாகக் கருத்துப் பரப்புவதாகக் கூறி அவர் மீது காவல்நிலையத்தில் முறைப்பாடு அளித்தார்.
இந்த நிலையில் தன்னைத் திருமணம் செய்து கொள்வதாக ஆசைவார்த்தைக் கூறி தன்னை ஏமாற்றி விட்டதாக முத்துக்குமரன் மீது குறித்த பெண் முறைப்பாடு அளித்திருக்கிறார்.
முறைப்பாடு அளிப்பதற்கு முன்னதாக, அவரது பெற்றோர்களைச் சந்தித்துச் பேச வேண்டும் என்ற அடிப்படையில் அவர்களைச் சந்தித்துப் பேசியதாகவும் அவர்களும் தன்னிடம் பேசுவதற்குத் தயாராக இல்லை எனவும் குறித்த பெண் செய்தியாளர் சந்திப்பொன்றில் தெரிவித்துள்ளார்.
மேலும் அவர் தெரிவித்ததாவது, சேர்ந்து வாழ வேண்டும் என முத்துக்குமரன் கூற வேண்டும், ஏனென்றால் திருமணம் செய்வதாக வாக்குறுதி கொடுத்து தன்னை ஏமாற்றி விட்டார்.
எதைச் சொல்லி தன்னை ஏமாற்றினாரோ அதை கட்டாயம் செய்து ஆக வேண்டும். அதை மீறினால் சிறைச்சாலைக்குத் தான் செல்ல வேண்டும்” என தெரிவித்துள்ளார்.
குறித்த பெண்ணின் இந்த மிரட்டலான பேச்சு சமூக வலைத்தளங்களில் வைரலாகி வருகிறது.


