10 நாட்களில் 260 கோடி ரூபாய்க்கும் அதிகமாக வசூலித்த சூர்யாவின் ‘சீன்’
நடிகர் சூர்யா நடிப்பில் அண்மையில் வெளியான ‘சீன்’ (Seen) திரைப்படம், வெளியான 10 நாட்களில் உலகளவில் 260 கோடி ரூபாய்க்கும் அதிகமாக வசூலித்துள்ளதாகப் படக்குழு உத்தியோகபூர்வமாக அறிவித்துள்ளது.
இயக்குநர் ஜித்து மாதவன் இயக்கத்தில் உருவாகியுள்ள இத்திரைப்படத்தில் சூர்யாவுடன் நஸ்ரியா, நஸ்லென், ஆனந்த் ராஜ், லால் மற்றும் ‘லுங்கி பாய்ஸ்’ ராஜ்பிரியன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
2D Entertainment மற்றும் ழகரம் ஸ்டூடியோஸ் ஆகிய நிறுவனங்கள் இணைந்து தயாரித்துள்ள இந்த திரைப்படத்திற்கு சுசின் ஷ்யாம் இசையமைத்துள்ளார்.
தீபாவளிப் பண்டிகையை முன்னிட்டு கடந்த 6 ஆம் திகதி திரையரங்குகளில் வெளியான ‘சீன்’ திரைப்படம், ரசிகர்களிடையே பலத்த வரவேற்பைப் பெற்று வெற்றிகரமாக ஓடிக்கொண்டிருக்கின்றது.
இதன் மூலம், 2026-ஆம் ஆண்டில் சூர்யாவுக்குக் கிடைத்த மூன்றாவது தொடர் வெற்றிப் படமாக ‘சீன்’ பதிவாகியுள்ளது.
முன்னதாக, ஆர்.ஜே. பாலாஜி இயக்கத்தில் வெளியான ‘கருப்பு’ திரைப்படம் 310 கோடி ரூபாய்க்கும் அதிகமாகவும், அதனைத் தொடர்ந்து வெங்கி அட்லூரி இயக்கத்தில் வெளியான ‘விஸ்வநாத் அண்ட் சன்ஸ்’ திரைப்படம் 210 கோடி ரூபாயும் வசூலித்திருந்தமை குறிப்பிடத்தக்கது.


