‘அறிவு’ திரைப்படம் வெளியாகும் திகதி அறிவிப்பு
‘உறியடி’ திரைப்படத்தின் மூலம் ரசிகர்களிடையே வரவேற்பைப் பெற்ற நடிகர் விஜயகுமார் நடிப்பில் உருவாகியுள்ள ‘அறிவு’ திரைப்படம், எதிர்வரும் டிசம்பர் 11, 2026 அன்று உலகம் முழுவதும் திரையரங்குகளில் வெளியாகவுள்ளது.
இந்த அதிகாரப்பூர்வ அறிவிப்பைப் படக்குழு வெளியிட்டுள்ளது.
மலைக்கிராமங்களில் கல்வியைக் கொண்டு சேர்க்கும் ஒரு பாடசாலை ஆசிரியராக நடிகர் விஜயகுமார் இந்த படத்தில் முக்கியக் கதாபாத்திரத்தில் நடித்துள்ளார்.
கழுகு’ பட புகழ் இயக்குநர் சத்யசிவா இந்த படத்தை எழுதி இயக்கியுள்ளார்.
விஜயகுமாருடன் இணைந்து கயல் ஆனந்தி, சுபிக்ஷா குமார், ஜோஷிகா மாயா, இஸ்மத் பானு, சிங்கம்புலி, ஐ.எம். விஜயன் மற்றும் தீபா சங்கர் உள்ளிட்ட பலர் நடித்துள்ளனர்.
இந்த படத்திற்கு டி. இமான் இசையமைத்துள்ளார். தில் ராஜு ஒளிப்பதிவு பணிகளையும், வெற்றி கிருஷ்ணன் படத்தொகுப்பு பணிகளையும் மேற்கொண்டுள்ளனர்.


