வீதிகள் அபிவிருத்திக்காக 487 பில்லியன் ரூபாய் ஒதுக்கீடு செய்யப்படவுள்ளதாக ஜனாதிபதி அநுர குமார திசாநாயக்க தெரிவித்துள்ளார்.
இதற்கமைய, குருநாகல் முதல் கலேவெல வரையிலான அதிவேக வீதிக்கு 30,000 மில்லியன் ரூபாயும், ருவன்புர அதிவேக வீதிக்கு 27,000 மில்லியன் ரூபாயும் ஒதுக்கப்பட்டுள்ளன.
மத்திய அதிவேக வீதியின் கடவத்தை – மீரிகம பகுதி அபிவிருத்திக்காக 53,450 மில்லியன் ரூபாயும், பொத்துஹெர – ரம்புக்கனை வீதிக்காக 4,500 மில்லியன் ரூபாயும் ஒதுக்கப்பட்டுள்ளதாக ஜனாதிபதி குறிப்பிட்டுள்ளார்.
அத்துடன், ரம்புக்கனை – கலகெதர வீதிக்காக 23,050 மில்லியன் ரூபாயும், அதிவேக வீதிகளுக்கான இணைப்பு வீதிகளை அபிவிருத்தி செய்வதற்காக 8,500 மில்லியன் ரூபாயும் ஒதுக்கப்படவுள்ளதாக அவர் தெரிவித்துள்ளார்.
2027ஆம் ஆண்டுக்கான பாதீட்டுத் திட்ட உரையை நாடாளுமன்றத்தில் சமர்ப்பித்தபோதே ஜனாதிபதி இதனைக் குறிப்பிட்டுள்ளார்.
