இந்திய அணியுடனான போட்டித் தொடர்கள் எதுவும் திட்டமிடப்படாததால், இங்கிலாந்து மற்றும் வேல்ஸ் கிரிக்கெட் சபைக்கு (ECB) 2027 ஆம் ஆண்டில் சுமார் 627 கோடி ரூபாய் நிதி இழப்பு ஏற்படும் எனத் தகவல்கள் வெளியாகியுள்ளன.
அவுஸ்திரேலிய அணிக்கு எதிரான பாரம்பரியமிக்க ஆஷஸ் டெஸ்ட் தொடர் சொந்த மண்ணில் நடைபெற்றாலும் கூட, இங்கிலாந்து கிரிக்கெட் சபை இந்த நிதி நெருக்கடியைச் சந்திக்கவுள்ளது.
2027 ஆம் ஆண்டில் இங்கிலாந்தில் இந்திய கிரிக்கெட் அணியின் சுற்றுப்பயணத் தொடர் எதுவும் திட்டமிடப்படவில்லை.
இந்தியச் சந்தையை மையமாகக் கொண்ட ஒளிபரப்பு மற்றும் வணிக வருவாயில் ஏற்படும் பற்றாக்குறை, இங்கிலாந்து கிரிக்கெட் சபைக்குப் பெரும் தாக்கத்தை ஏற்படுத்தியுள்ளது.
சர்வதேச கிரிக்கெட் பேரவை (ICC) தனது உறுப்பு நாடுகளுக்கு வழங்கவிருந்த ஒளிபரப்பு வருவாயில் ஒரு பகுதியைத் தடுத்து வைக்க (withhold) தீர்மானித்துள்ளதும் இங்கிலாந்து சபைக்குக் கூடுதல் நிதி நெருக்கடியை உருவாக்கியுள்ளது.
முன்னதாக 2025 ஆம் ஆண்டில் இங்கிலாந்து கிரிக்கெட் சபை கணிசமான வருமானத்தை ஈட்டியிருந்த போதிலும், எதிர்வரும் 2027 ஆம் ஆண்டு அந்த கிரிக்கெட் சபைக்கு மிகப்பெரிய பொருளாதாரச் சவாலான ஆண்டாக அமையும் என எதிர்பார்க்கப்படுகிறது.
