விஜே சித்துவின் “டயங்கரம்” டீசர் வெளியீடு
விஜே சித்து இயக்கி நடித்துள்ள ‘டயங்கரம்’ படத்தின் டீசர் வெளியாகி ரசிகர்களின் கவனத்தை ஈர்த்துள்ளது.
யூடியூபராக இருந்து வெள்ளித்திரையில் அடியெடுத்து வைத்தவர் விஜே சித்து. பிரதீப் ரங்கநாதன் நடித்த ‘டிராகன்’ படத்தில் நடித்திருந்தார்.
தற்போது அவர் ‘டயங்கரம்’ படத்தின் மூலம் தமிழ் சினிமாவில் இயக்குநராக அறிமுகமாகிறார். இந்தப் படத்தை வேல்ஸ் நிறுவனம் சார்பில் ஐசரி கணேஷ் தயாரித்துள்ளார்.
படத்துக்கு சித்து குமார் இசையமைத்துள்ளார்.
இந்தப் படத்தில் நடிகர்கள் நட்டி, ஹர்ஷத் கான், காளி வெங்கட், இளவரசு, ஆதித்யா கதிர், சுஷ்மிதா ஷெட்டி மற்றும் இன்ஸ்டா பிரபலம் மல்லேஷ் கண்ணன் ஆகியோர் முக்கிய கதாபாத்திரங்களில் நடித்துள்ளனர்.
இந்தப் படத்தின் படப்பிடிப்பு கடந்த ஜூலை மாதம் நிறைவடைந்ததாக அறிவிக்கப்பட்டது.


