ஓம் திரைப்படத்தின் வெளியீட்டைத் தள்ளிவைத்த தனுஸ் : நன்றி தெரிவித்த சூர்யா!
நடிகர் சூர்யா நடிப்பில் உருவாகியுள்ள ‘சீன்’ (Scene) திரைப்படத்தின் இசை வெளியீட்டு விழா மற்றும் டிரைலர் வெளியீட்டு விழா நடைபெற்றது.
இதில் சிறப்பு விருந்தினராகக் கலந்துகொண்டு பேசிய நடிகர் சூர்யா, தனது திரைப்படத்திற்காக, அவருடைய நடிப்பில் உருவாகிய ஓம் திரைப்படத்தின் வெளியீட்டைத் தள்ளிவைத்த நடிகர் தனுஷுக்கு மேடையிலேயே பகிரங்கமாக நன்றி தெரிவித்தார்.
தீபாவளி பண்டிகையை முன்னிட்டு சூர்யாவின் ‘சீன்’ திரைப்படம் வெளியாகவுள்ளது. இதே காலகட்டத்தில் தனுஷின் ‘ஓம்’ படமும் வெளியாகவிருந்தது.
பொக்ஸ் ஆபிஸில் மோதலைத் தவிர்க்கும் பொருட்டு, ‘சீன்’ திரைப்படம் தீபாவளிக்கு வருவதால் தனது ‘ஓம்’ படத்தின் வெளியீட்டைத் தள்ளிவைப்பதாகத் தனுஷ் தனது சமூக வலைதளப் பக்கத்தில் அறிவித்திருந்தார்.
இந்த நிலையில், விழா மேடையில் பேசிய சூர்யா, திரையரங்க உரிமையாளர்கள் மற்றும் விநியோகஸ்தர்களுக்கு நன்றி தெரிவித்ததோடு, தனுஷின் இந்த பரந்த மனப்பான்மைக்கும் ஒத்துழைப்புக்கும் தனது சிறப்பான நன்றிகளைத் தெரிவித்துக் கொண்டார்.
தனுஷ் மற்றும் சூர்யா ஆகிய முன்னணி நடிகர்களின் இந்த பரஸ்பர புரிதல் தமிழ் சினிமா வட்டாரத்திலும், ரசிகர்களிடையேயும் பெரும் வரவேற்பைப் பெற்றுள்ளது.


