உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

சிவகார்த்திகேயன் – வெங்கட் பிரபு இடையே மோதல்?

சினிமா 2 மாதங்கள் முன்
108 பார்வைகள்

இயக்குநர் வெங்கட் பிரபு மற்றும் நடிகர் சிவகார்த்திகேயன் இடையே கருத்து வேறுபாடு ஏற்பட்டுள்ளதாக சமூக வலைத்தளங்களில் தகவல்கள் பரவி வந்த நிலையில், அதற்கு வெங்கட் பிரபு விளக்கம் அளித்திருந்தார். இதனிடையே, அவரது பதிவுக்கு சிவகார்த்திகேயனும் பதிலளித்துள்ளார்.

வெங்கட் பிரபு இயக்கத்தில் சிவகார்த்திகேயன் நடிப்பதாக இருந்த திரைப்படம் ஒன்று சத்யஜோதி பிலிம்ஸ் தயாரிப்பில் உருவாகத் திட்டமிடப்பட்டிருந்தது. எனினும், சில காரணங்களால் குறித்த திரைப்படத்தின் பணிகள் தொடங்காமல் நிறுத்தப்பட்டதாக தெரிவிக்கப்பட்டது.

இந்த நிலையில், இயக்குநர் வெங்கட் பிரபுவின் அடுத்த திரைப்படம் தாமதமாவது குறித்து தயாரிப்பாளரும் இயக்குநருமான கங்கை அமரன் தெரிவித்த கருத்துகள் சமூக வலைத்தளங்களில் பேசுபொருளாகின.

குறித்த கருத்துகள் சிவகார்த்திகேயனை குறிப்பதாக சமூக வலைத்தளங்களில் பலரும் தெரிவித்திருந்த நிலையில், வெங்கட் பிரபு இதற்கு பதிலளித்து, தங்களுக்கிடையே எந்தப் பிரச்சினையும் இல்லை என்றும், சில காரணங்களால் திரைப்படம் தொடங்காமல் போனதாகவும் விளக்கம் அளித்திருந்தார்.

இதனிடையே, வெங்கட் பிரபுவின் பதிவுக்கு பதிலளித்துள்ள சிவகார்த்திகேயன், இருவருக்கும் இடையே எந்தவிதமான தனிப்பட்ட பிரச்சினையும் இல்லை என்பதைத் தனது பதிவில் வெளிப்படுத்தியுள்ளார்.

சிவகார்த்திகேயன் தனது எக்ஸ் பதிவில், வெங்கட் பிரபுவை “சார், நாம் ஒரு குடும்பம்” எனக் குறிப்பிட்டதுடன், அவரது வாழ்த்துகளுக்கு நன்றி தெரிவித்துள்ளார்.

மேலும், “நான் எப்போதும் வெங்கட் பிரபுவின் ரசிகனாக இருப்பேன். விரைவில் உங்களுடன் இணைந்து பணியாற்ற ஆவலுடன் காத்திருக்கிறேன்” என்றும் அவர் தெரிவித்துள்ளார்.

சிவகார்த்திகேயனின் இந்தப் பதிவைத் தொடர்ந்து, இருவரும் இணைந்து உருவாக்கத் திட்டமிட்டிருந்த திரைப்படம் தற்போதைக்கு கைவிடப்பட்டுள்ளதா என்ற கேள்வி மீண்டும் சமூக வலைத்தளங்களில் எழுந்துள்ளது. எனினும், திரைப்படம் தொடர்பான அடுத்தகட்ட முடிவு குறித்து அதிகாரப்பூர்வ அறிவிப்பு வெளியாகவில்லை என இந்திய ஊடகங்கள் தெரிவிக்கின்றன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

சினிமா

பாரதியார் பாடல் கிராமி விருதுக்குப் பரிந்துரை!

உலக இசைத்துறையின் உயரிய விருதுகளில் ஒன்றாகக் கருதப்படும் கிராமி விருதுக்குப் பரிந்துரைக்கப்பட்ட முதல் தமிழ்ப் பாடல் என்ற வரலாற்றுச் சாதனையை ‘வருவாய்’ பாடல் படைத்துள்ளது. மகாகவி சுப்பிரமணிய…

147 0 0
சினிமா

சிம்புவின் ‘அரசன்’ படத்தில் அடுத்த சர்ப்ரைஸ்…

இயக்குநர் வெற்றிமாறன் இயக்கத்தில், நடிகர் சிம்பு நடிப்பில் உருவாகி வரும் ‘அரசன்’ திரைப்படம் தொடர்பான எதிர்பார்ப்புகள் நாளுக்கு நாள் அதிகரித்து வருகின்றன. இந்தநிலையில், இப்படத்தின் ‘ஃபயர் கிளிம்ப்ஸ்’…

130 0 0
சினிமா

“நான் வலிமையானவள்” – புற்றுநோய் சிகிச்சை குறித்து நடிகையின் நெகிழ்ச்சிப் பதிவு!

நடிகர் விஜயகாந்த் நடித்த ‘சொக்கத்தங்கம்’ திரைப்படத்தில் அவருக்கு தங்கையாக நடித்து ரசிகர்கள் மத்தியில் பிரபலமான நடிகை உமா சங்கரி, மார்பகப் புற்றுநோய்க்கு எதிராகப் போராடி வருகிறார். கடந்த…

132 0 0
சினிமா

திரைப்பயணத்தில் தவறான முடிவுகளை எடுத்து விட்டேன்!

தென்னிந்திய சினிமாவில் குறுகிய காலக்கட்டத்தில் டாப் இடத்தினை பிடித்த நடிகை ஸ்ரீலீலா, தன்னுடைய திரைப்பயணத்தில் தவறான முடிவுகளை எடுத்துவிட்டதாக கூறியுள்ளது பலருக்கும் அதிர்ச்சி கொடுத்துள்ளார். கன்னட சினிமாவில்…

101 0 0