ஜாக்கி சான் மரணம்? : பதிவுகளின் பின்னணியில் உள்ள ரகசியம்!

பிரபல சீன நடிகர் ஜாக்கி சான் உயிரிழந்துவிட்டதாக சமூக வலைத்தளங்களில் பரவி வரும் தகவல் போலியானது என தெரிவிக்கப்பட்டுள்ளது.

“Jackie Chan 1954–2026” என குறிப்பிடப்பட்ட கறுப்பு-வெள்ளை நிழற்படங்கள் உட்பட பல பதிவுகள் சமூக வலைத்தளங்களில் வேகமாகப் பரவி வருகின்றன.

இந்த பதிவுகள் மில்லியன் கணக்கான பார்வைகளைப் பெற்றுள்ளன.

எனினும், 72 வயதான ஜாக்கி சான் உயிருடன் இருப்பதாக தெரிவிக்கப்பட்டுள்ளது.

அவரது கடைசி பொது நிகழ்வு கடந்த ஜூலை 7ஆம் திகதி சிங்கப்பூரில் நடைபெற்றது.

அங்கு Pei Chun Public School பாடசாலைக்கு திடீர் விஜயம் மேற்கொண்ட அவர், 900-க்கும் மேற்பட்ட மாணவர்களுடன் கலந்துரையாடியதுடன், “Hard to Say Goodbye” பாடலையும் பாடியிருந்தார்.

இதனிடையே, ஜாக்கி சான் உயிரிழந்ததாக பரவும் சமூக வலைத்தளப் பதிவுகள் வதந்தி மற்றும் போலியான தகவல்கள் என தெரிவிக்கப்பட்டுள்ளது.