பிரபல தென்னிந்திய நடிகரான துல்கர் சல்மான் தனது அதிகாரப்பூர்வ சமூக வலைதளப் பக்கத்தில் ரசிகர்களுக்கு எச்சரிக்கை பதிவு ஒன்றை வெளியிட்டுள்ளார்.
அதில், @_dulQuer என்ற பெயரில் இயங்கும் எக்ஸ் கணக்கு தன்னுடையது அல்ல என்றும், அது ஒரு போலி கணக்கு (Parody Account) என்றும் தெளிவுபடுத்தியுள்ளார்.
அதேவேளை “அந்தப் போலி கணக்கு நான் பேசுவதைப் போலவே பாவனை செய்து, திரைப்படங்கள், சக நடிகர்கள் மற்றும் எனது குடும்பத்தினர் குறித்து போலியான கருத்துகளையும் வாழ்த்துகளையும் பதிவிட்டு வருகிறது.
இது தேவையற்ற குழப்பத்தையும் எதிர்மறையான சூழலையும் ஏற்படுத்துகிறது. இது தொடர்பாக எக்ஸ் தளத்தில் ஏற்கனவே புகார் அளித்துள்ளேன், ஆனால் இன்னும் நடவடிக்கைக்காகக் காத்திருக்கிறேன்,”* எனக் குறிப்பிட்டுள்ளார்.
துல்கர் சல்மானின் இந்த அறிவிப்பைத் தொடர்ந்து, அவரது ரசிகர்கள் பலரும் அந்தப் போலி கணக்கு குறித்துத் தாங்களும் பலமுறை எக்ஸ் தளத்தில் புகார் அளித்தும் எந்தவித நடவடிக்கையும் எடுக்கப்படவில்லை என வேதனையுடன் கருத்து தெரிவித்து வருகின்றனர்.
