முன்பதிவிலேயே வசூலை வாரிக் குவிக்கும் ‘ஜனநாயகன்’

எச். வினோத் இயக்கத்தில் தளபதி விஜய் நடிப்பில் உருவான ஜனநாயகன் திரைப்படம் எதிர்வரும் 23 ஆம் திகதி வெளியாகவுள்ளது.

இந்த திரைப்படம் தளபதி விஜய்யின் கடைசி திரைப்படம் என்பதால் ரசிகர்களிடையே பெரும் எதிர்பார்ப்பு எழுந்துள்ளது.

இந்தநிலையில் ‘ஜனநாயகன்’ திரைப்படம் திரைக்கு வருவதற்கு முன்பே இந்திய பெறுமதியில் ரூ. 10.60 கோடிக்கும் அதிகமான முன்பதிவு வசூலை ஈட்டியுள்ளதாக இந்திய ஊடகங்கள் செய்தி வெளியிட்டுள்ளன.

இதன்படி, இதுவரை 4.35 இலட்சத்துக்கும் அதிகமான டிக்கெட்டுகள் விற்பனையாகியுள்ளன.

இதில் தமிழ்நாட்டில் மாத்திரம் சுமார் ரூ. 4.87 கோடி வசூல் செய்து சாதனை படைத்துள்ளதாக இந்திய ஊடகங்கள் செய்தி வெளியிட்டுள்ளன.