உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரான் மீது அமெரிக்கா மீண்டும் தாக்குதல்!

உலக செய்திகள் 5 மாதங்கள் முன்
135 பார்வைகள்

ஹோர்முஸ் நீரிணையில் மூன்று எண்ணெய் கப்பல்கள் மீது நடத்தப்பட்ட தாக்குதல்களுக்குப் பதிலடியாக ஈரான் மீது அமெரிக்கா வலிமையான தாக்குதல்களை நடத்தியுள்ளது.

அந்த நீரிணையில் உள்ள 60-க்கும் மேற்பட்ட இஸ்லாமிய புரட்சிகர காவலர் படையின் (IRGC) சிறிய படகுகள் உட்பட 80-க்கும் மேற்பட்ட இலக்குகள் மீது தாக்குதல் நடத்தியதாக அமெரிக்க மத்திய கட்டளை மையம் (Centcom) செவ்வாய்க்கிழமை தெரிவித்தது.

அமெரிக்காவின் தாக்குதல்கள் கடந்த மாதம் கையெழுத்தான அமெரிக்க-ஈரான் புரிந்துணர்வு ஒப்பந்தத்தை மீறும் செயல் என்று ஈரானின் வெளியுறவுத்துறை துணை அமைச்சர் குறிப்பிட்டார்.

மேலும், இதற்கு தெஹ்ரான் தீர்க்கமான நடவடிக்கைகளை மேற்கொள்ளும் என்றும் அவர் எச்சரித்தார்.

கெஷ்ம் தீவு, பண்டார் அப்பாஸ் மற்றும் சிரிக் ஆகிய இடங்களில் தாக்குதல்கள் நடத்தப்பட்டதாகவும், இதில் சிதறிய உலோகத் துண்டுகளால் மக்கள் காயமடைந்ததாகவும் ஈரானிய அரசு ஊடகங்கள் தெரிவித்தன.

அமெரிக்காவின் தாக்குதல் நடவடிக்கைகளுக்குக் காரணமான அந்த மூன்று எண்ணெய் கப்பல்கள் மீதான தாக்குதல்களுக்கு, ஈரான் நேரடியாகப் பொறுப்பேற்கவில்லை.

அந்த 60 சிறிய படகுகள் தவிர, ஈரானின் ஏவுகணை ஏவுதளங்கள் மற்றும் கட்டளை மையங்கள் மீதும் தாக்குதல் நடத்தியதாக சென்ட்காம் (Centcom) தெரிவித்தது.

தாக்குதல் நடத்தப்பட்ட இடங்கள் குறித்த மேலதிக விவரங்களை அது வெளியிடவில்லை.

இந்தத் தாக்குதல்களுக்கு முன்பு, கடந்த மாதம் வொஷிங்டனும் தெஹ்ரானும் கையெழுத்திட்ட புரிந்துணர்வு ஒப்பந்தத்தின் ஒரு பகுதியாக, ஈரான் மீதான எண்ணெய் தடைகளைத் தற்காலிகமாக நீக்கியிருந்த விலக்கை அமெரிக்க திறைசேரி இரத்து செய்தமையும் குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

145 0 0