திமுக தலைமையிலான மதச்சார்பற்ற முற்போக்குக் கூட்டணியில் இணைந்துள்ள தேமுதிகக்கான தொகுதி ஒதுக்கீடு தொடர்பான நடவடிக்கைகள் தீவிரமடைந்துள்ளன. அண்மையில் இடம்பெற்ற கூட்டணிக் கலந்துரையாடலில், தேமுதிகக்கு 10 தொகுதிகள் ஒதுக்கப்பட்டமை உறுதி செய்யப்பட்டது.
இந்த நிலையில், போட்டியிடவுள்ள தொகுதிகள் குறித்து திமுகவுடன் பேச்சுவார்த்தை நடத்துவதற்காக 6 பேர் கொண்ட குழுவை தேமுதிக பொதுச் செயலாளர் பிரேமலதா விஜயகாந்த் அறிவித்துள்ளார். இந்தக் குழுவுக்கு எல்.கே. சுதீஷ் தலைமை தாங்குகிறார்.
மேலும், இக்குழுவில் இளங்கோவன், பார்த்தசாரதி, அழகாபுரம் மோகன்ராஜ் மற்றும் எம்.ஆர். பன்னீர்செல்வம் உள்ளிட்டோர் இடம்பெற்றுள்ளனர்.
இதேவேளை, விருகம்பாக்கம், ரிஷிவந்தியம், விருதுநகர், சாத்தூர், பண்ருட்டி, விருதாச்சலம், சேலம் மேற்கு, ஆம்பூர் உள்ளிட்ட 25 தொகுதிகளை தேமுதிக தனது விருப்பப் பட்டியலாகதிமுகவிடம் முன்வைத்துள்ளதாக தகவல்கள் வெளியாகியுள்ளன.
இத்தொடர்பான இறுதி முடிவுகள் விரைவில் எடுக்கப்படும் என அரசியல் வட்டாரங்கள் தெரிவிக்கின்றன.
