தமிழக வெற்றிக்கழக இணை பொதுச் செயலாளர் சிடிஆர் நிர்மல் குமார், பாஜக, அதிமுக, சசிகலா அல்லது மருத்துவர் ராமதாஸைத் தொடர்புபடுத்தி கூட்டணி பேச்சுவார்த்தைகள் நடைபெறுவதாக பரப்பப்படும் செய்திகள் முற்றிலும் உண்மைக்கு புறம்பானவை என தெளிவுபடுத்தியுள்ளார்.
நிர்மல் குமார் தனது எக்ஸ் தளத்தில் வெளியிட்ட உரையில், “சமீப காலத்தில் சில ஊடகங்கள் மற்றும் சமூக வலைத்தளங்களில் அரசியல் லாபத்திற்காக திட்டமிட்டு பொய்யான செய்திகள் பரப்பப்படுகின்றன. குறிப்பாக, பாஜக, அதிமுக, சசிகலா மற்றும் மருத்துவர் ராமதாஸை தமிழக வெற்றிக்கழகத்துடன் தொடர்புபடுத்தி கூட்டணி பேச்சுவார்த்தைகள் நடைபெறுவதாகக் கூறப்படுவது முற்றிலும் தவறு.
எந்தவிதமான பேச்சுவார்த்தையும் நடந்ததில்லை” என்று கூறியுள்ளார்.அவர் மேலும், “இதே போன்ற பொய்ச்செய்திகளை காங்கிரஸ் உள்ளிட்ட பல கட்சிகளோடும் தொடர்புபடுத்தி பரப்பும் பழக்கம் கடந்த காலங்களில் இருந்தது; அது உண்மை அல்ல. பொதுமக்கள் மற்றும் ஊடகப் பயனாளர்கள், செய்தியின் உண்மைத்தன்மையை உறுதிப்படுத்தாமல் இதுபோன்ற வதந்திகளை பகிர வேண்டாம். வாய்மையே வெல்லும்” என அறிவுறுத்தியுள்ளார்.
