கரூர் நெரிசல் சம்பவம் தொடர்பான விசாரணைக்காக தமிழக வெற்றி கழகத்தின் தலைவர் விஜயை டில்லியில் உள்ள மத்திய புலனாய்வு அலுவலகத்தில் முன்னிலையாகுமாறு அழைப்பாணை அனுப்பப்பட்டுள்ளதாக தகவல்கள் வெளியாகியுள்ளன.
கரூர் வேலுச்சாமிபுரம் பகுதியில் கடந்த செப்டம்பர் 27ஆம் திகதி நடைபெற்ற கூட்டத்தில் ஏற்பட்ட நெரிசலில் சிக்கி 41 பேர் உயிரிழந்த சம்பவம் தொடர்பாக இந்த விசாரணை நடைபெற்று வருகிறது.
இந்தச் சம்பவம் குறித்து மத்திய புலனாய்வு அதிகாரிகள் விசாரணைகளை முன்னெடுத்து வருகின்றனர். இதற்கு முன்பும் இரண்டு முறை அழைப்பாணை அனுப்பப்பட்ட நிலையில், விஜய் டில்லியில் உள்ள அலுவலகத்தில் முன்னிலையாகி அதிகாரிகளின் கேள்விகளுக்கு பதில் வழங்கியிருந்தார்.
இந்நிலையில், குறித்த வழக்கின் மேலதிக விசாரணைக்காக நாளை முன்னிலையாகுமாறு மீண்டும்அழைப்பாணை அனுப்பப்பட்டுள்ளதாக தெரிவிக்கப்படுகிறது.
ஆனால், விஜய் தரப்பில் விசாரணை திகதியை மாற்றுமாறு கோரிக்கை விடுக்கப்பட்டுள்ளதாகவும் தகவல்கள் தெரிவிக்கின்றன. இந்த கோரிக்கையை அதிகாரிகள் ஏற்றுக்கொள்வார்களா அல்லது விஜய் நாளை முன்னிலையாகி விசாரணைக்கு உட்படுவாரா என்பது குறித்து எதிர்பார்ப்பு நிலவி வருகிறது.
