இந்தியாவின் அசாம் மாநிலத்தின் கர்பி ஆங்லாங் மாவட்டம் பகுதியில் பயிற்சியில் ஈடுபட்டிருந்த சுகோய்-30 எம்.கே.ஐ ரக போர் விமானம் விபத்துக்குள்ளானதில் இரண்டு விமானிகள் உயிரிழந்ததாக இந்திய விமானப்படை தெரிவித்துள்ளது.ஜோர்ஹாட்டிலிருந்து சுமார் 60 கிலோமீட்டர் தொலைவில் இந்த விபத்து இடம்பெற்றது என தெரிவிக்கப்பட்டுள்ளது. உயிரிழந்த விமானிகள் அனுஜ் மற்றும் புர்வேஷ் துராக்கர் என அடையாளம் காணப்பட்டுள்ளனர்.
இந்திய விமானப்படை வெளியிட்ட சமூக ஊடக அறிக்கையில், உயிரிழந்த வீரர்களுக்கு ஆழ்ந்த இரங்கல் தெரிவிக்கப்பட்டதுடன், அவர்களின் குடும்பத்தினருடன் தாம் உறுதியாக இருப்பதாகவும் கூறப்பட்டுள்ளது.சுகோய்-30 எம்.கே.ஐ என்பது இரண்டு இருக்கைகள் கொண்ட, பல்வேறு பணிகளை மேற்கொள்ளும் நீண்ட தூர போர் விமானமாகும்.
இது ரஷ்யாவின் சுகோய் நிறுவனத்தால்வடிவமைக்கப்பட்டு, இந்தியாவில் ஹிந்துஸ்தான் ஏரோநாட்டிக்ஸ் லிமிடெட் நிறுவனத்தால் உரிமம் பெற்று தயாரிக்கப்படுகிறது.இந்திய விமானப்படை தற்போது 260-க்கும் மேற்பட்ட இவ்வகை விமானங்களை இயக்கி வருகிறது. கடந்த ஆண்டுகளிலும் இதே வகை விமானங்கள் விபத்துக்குள்ளான சம்பவங்கள் பதிவாகியுள்ளன என்பது குறிப்பிடத்தக்கது.
